Kem Lingón 101:3 - Udél Dwata: Gna Kesfasad ne Lomi Kesfasad

³ Là kóe móyô temngel du kihu yó kem nmò sidek. Tey keklitu du dou yó kem nmò le là tedengen yó kem tau là hemtahu bè Dwata. Là kóe móyô mò du dou yó kem gel nmò le yó.

Kem Lingón 101:3 Referans Kwoze

Kem Lingón 119:37

Kóhem bè ketngelu yó kem laen dù muhen, ne hlowilem o mlan bè udélem.

Job 31:1

Yó bud udél Job, monen, “Deng wen safà mget nmou ebè Dwata, duhen yóm là ketngelu ebè libun ke wen iwolu du gu lem.

Kem Udél Hlalak Tehe Selumun 6:25

Béi gbóy du yóm olo kun ktilob ne béem abay nmung se yóm kun tilob ketngel ebéléem.

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

Kem Lingón 40:4

Hligal le kul, yó kem tau smalig ke Dwata. Là kô le smalig ebè yó kem tau heklabak, duhen ke mung le tmaba bè yó kem dwata kéng.

Kehewà 20:17

Hol bê ye abay nófô gónô kedumu ye. Bê ye abay nófô yehenen duhen ke kem heseken duhen ke kem safien duhen ke kem kudaen duhen ke yó kem dumu nfunen.” Yó se yóm sfolò hlolò Dwata yó kem tauhen.

2 Pitér 2:21

Mom hyu bélê le ke là deng tehe tngón le du yóm lan tedeng senta yóm deng ketngón le du, ne omin le kmogol du yóm hlau Dwata deng tehe hetngón le kul yó.

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

Juswa 23:6

Yó gónóm mon hol ye setgel. Hol bê ye abay klifót lemolò du yóm kdê deng snulat Musis lem yóm Bok Hlau. Béen abay wen nulé ye du.

Hibru 10:39

Okóm tólóng yóm bélê tekuy, là mkél tekuy bè yó kem tau knogol le yóm kehtahu le, ne hlós le lana. Okóm henlel tekuy yóm kehtahu tekuy anì angat tekuy gewà gu lem hatay.

Kem Lingón 119:113

Tey keklitu kul yó kem tau megewu nawa le kóm, okóm dou, tey bong óyóu mimón du yó kem hlauhem.

Kem Lingón 78:41

Ket kiwól le tendo tmilów ke Dwata, ket kiwól le tendo heblat nawa yóm Dwata laen dù belenen bè Israél.

Kem Lingón 14:3

Okóm deng le mom gotu hetlas, hono sidek nmò le. Laen kô dù tonen bélê le ke tedeng nmoen, balù sotu.

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Mika 2:2

Yó kem tau matul mò sidek yó, ke nóyô le ma tonok sotu tau, tódô nled le. Ke nóyô le gónô kem dumu le, tódô nwa le. Laen kô dù tau menek kkimuhen bélê le.

Isaya 33:15

Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le.

Isaya 30:11

Mdó ye bè ni, bê ye henseng yóm tô kum lan. Là bud me móyô hmungol du yóm gel tulón ye gbak bè yóm Dwata yó kem tau Israél yóm Dwata laen dù belenen.”

Kem Lingón 39:1

Yó mon nawaw, “Ten-gamahu yó kem gel nmou ne ksubaku anì là gemsalae. Yóm igò le nô klohoku yó kem hohonu, là kóe mudél.”

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Kem Lingón 97:10

Tey kbong nawa Dwata kul yó kem tau kembê du yóm sidek. Sal gel bnenteyen yó kem tau teneb béléen. Lenwaen lu lem hólól yó kem tau mò sidek.

Kem Lingón 78:57

Deng mom knogol le, mkél le bè yó kem tehe tuha le. Hol le mkél bè boho sigol, là gsaligem du.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

1 Samwél 15:11

“Tey kegselu yóm kmou ke Sol tau hol geta bélê ye. Deng knogolen o ne là bud nimónen du yó kem hlolou du.” Tey sidek kegnóm Samwél du ne tódô suloyen buteng hkodu mni bè Dwata.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Kem Lingón 41:9

Balù yó hem hol dou wè, yóm alì snaligu, yóm tehe gel mken béléu, deng mom hohonen ou.

Kem Lingón 139:22

Alì sidek kutó nawahu kul, gotu hohonu lu yó kem tau yó.

Kem Udél Hlalak Tehe Selumun 6:12

Són tendo mò tulón seblékê bè lanen mógów yóm tau gel mò sidek, yóm tau laen dù gónón e kól.

Kem Udél Hlalak Tehe Selumun 6:13

Hekniten matahen ne yóm kestulónen hlanen bè kekdol tihen ne tdoken yóm ksukaten kóm.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Sikaraya 8:17

Bê ye abay mò atul sidek ebè kem dumu ye. Ne hol tenflok ye yóm gel smafà là tahuhen. Abay se ni kem kdéen ni, tey kekbéu du,” mon Dwata.