Kem Lingón 100:4 - Udél Dwata: Gna Kesfasad ne Lomi Kesfasad

⁴ Bè yóm igò ye husek bè bak tikeb yóm Gónô Dwata, hmung ye du yóm tey keslamat ye béléen. Hol dóyón ye bè yóm khusek ye elem Gónóen. Hol ye slamat béléen, mung du yóm tey kdóyón ye du.

Kem Lingón 100:4 Referans Kwoze

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

1 Tutul Israél 29:13

Duhen ni, uu se Dwata me, slamat me béléem, ne dóyón me yóm tey klinggel boluyem.

Kem Lingón 66:13

Ni mógówe ebè yóm kóm Gónô naw e demsù hkekeb ebéléem mò gónóhu dmohò du yóm deng fasadu kóm.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

Kem Lingón 96:2

Semngal tekuy ebè Dwata, mung du yóm tey kdóyón tekuy du. Ket kdaw tekuy heglalag du yóm tulón hyu lemwót béléen, duhen yóm deng kehewaen tekuy.

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

Kem Lingón 65:1

Ó Dwata, knóón bélê me ke hol dóyón me uu bè yóm kóm Bulul Sayun. Knóón ke dnohò me yó kem deng fasad me kóm,

Kem Lingón 95:2

Hloni tekuy ebè Dwata, mung du yóm tey keslamat tekuy béléen. Hol tekuy hligal semngal, yóm sngal mò dmóyón du.

Kem Lingón 96:8

Hol dóyón tekuy abay se tey minggel boluyen. Mógów tekuy ebè Gónóen, eles tekuy mit yóm mò blay tekuy du.

Kem Lingón 99:3

Hol dóyón le yóm tey kegetahen ne tey kehtaw le du yóm kóm boluy. Laen dù belenen yóm kóm boluy.

Kem Lingón 122:2

Duhen yó, deng kuy mdà bè ni lem ni kem bak tikeb yóm beng hmilol Jirusalim.

Kem Lingón 122:4

Bè ni se gónó le gel stifun yóm kdéen tau Israél mò gónó le gel dmóyón ke Dwata. Nim gel nmò le ni, tódô lolò le yóm tehe hlau Dwata kul.