Biblia Todo Logo
Bib sou entènèt

- Piblisite -




Kem Lingón 100:3 - Udél Dwata: Gna Kesfasad ne Lomi Kesfasad

3 Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Gade chapit la Kopi




Kem Lingón 100:3
44 Referans Kwoze  

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”


Uu se tehe mò do, Dwata. Ne ni benlayem o khulung temnef anì lolou yó kem hlauhem.


Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.


Ni se hol lanen yóm klowil laen dù sónen monu yó, duhen yóm deng ketngón le kóm, yóm tahu Dwata, ne yóm deng ketngón le dou, Jisas Krays, yóm deng hógówem elem benwu.


Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.


Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.


Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.


Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.


Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.


Gu laan ye là deng hemtahu he, lómón tô ye ubiha gel mógów hetlas. Okóm ni, deng bud niten yu mulék ebè Dwata ne. Du se yóm tendo semgyok ne tendo mentey kuy.


Duhen yó, laen dù tul sónen yóm tendo kdóyón me kóm mi kem kóm tau, yó kem ubiha gel hótóbem. Dóyón me uu efet kól bè yó kem hilu bud lugod me.


Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.


Okóm yó kem kun tau, fen nalaken lu lómón kem ubiha, nalaken lu hlalak yóm benwu laen hol wen tauhen.


“Ni se bud udél yóm sana Dwata hol dandónen geta, monen, Tódô ou ne angat mebel kul yó kem dou ubiha efet gotu tonu lu.


Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.


Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.


Omin le yó he hemtulón nawa du yóm tehe kun kdaw Musis ekni, yóm sotu tau tehe tóbóng lówó Dwata. Yó sólók le, “Nô se yóm Dwata tehe lemwà yó kem tauhen mifal mohin, mung kul yó kem tau gónó le galak? Nô se yóm Dwata tehe hemsù du bè Musis yóm Tulusen?


Duhen ni, Dwata yóm sana kum Dwata hol gónó mogot, mnihe béléem, hol lenwaem mi lem hólól yóm tau hol geta bè Asirya anì yó, gotu tngón yó kem kdéen benwu nogot tau talak tonok, tek sónen uu se Dwata yóm hol gónó mogot.”


Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.


Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.


Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.


Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.


Yó mon le, “Guta me yóm nóyô me mlan bè udél me. Kihu mon me, laen dù tau gembek hemseng kum.”


Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.


Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.


Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.


Dwata se yóm hol gónó tekuy mogot. Gfan bè klamangen benwu yóm kmò kogoten tau.


Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.


Swiv nou:

Piblisite


Piblisite