Kem Lingón 100:2 - Udél Dwata: Gna Kesfasad ne Lomi Kesfasad

² Hol ye hligal tmaba ebéléen. Hloni ye ebéléen, mung du yóm kehligal ye semngal.

Kem Lingón 100:2 Referans Kwoze

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Kem Lingón 71:23

Hligale mensag bè yóm kesngalu dmóyón kóm, yakà deng nsokem dou.

Kem Lingón 95:2

Hloni tekuy ebè Dwata, mung du yóm tey keslamat tekuy béléen. Hol tekuy hligal semngal, yóm sngal mò dmóyón du.

Dwata 28:47

Yóm Dwata, tey tendo kuyagen kuy bè kdê yó kem gel nmò ye. Okóm kuy, là kóen lemwót bè nawa ye yóm klolò ye du.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

Dwata 12:12

Ne bè yó bè solu Dwata hol ye hligal, mung kuy kem ngà ye ne yó kem tóbóng lówó ye ne yó kem sfu Libay menwu lem blóng ye. Hol bê ye abay hnuda lu yó kem sfu Libay, laen dù tonok le se kul.

1 Bok Kem Tau Hol Geta 8:66

Timbow deng yóm kehligal le yó, omin Selumun gotu hulék kul. Bè yóm kulék le tey kdóyón le ke Dwata bè yóm tau hol geta le, abay se lemwót bè yóm alì kehyu nmò Dwata bè tehe Dabid yóm tau tóbóng lówóhen, dalang se bè yó kem tauhen Israél.

2 Tutul Israél 31:2

Yó nmò Hisikaya, nólólen lu bè bung le yó kem tau gel blóng ebè Dwata ne yó kem sfu Libay anì lu mò demsù yóm dsù hkekeb, ne yóm dsù mit sefyu ebè Dwata. Ne bud le gel tmaba ebè Dwata ne slamat le ebéléen, ne dóyón le bè yó kem bak tikeb bè Gónô Dwata.

2 Tutul Israél 29:30

Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.