Tikóng le mosol bè yóm Bulul Ulib yó, moni le ne ebè Jirusalim. Ya tey tau wen mung ke Jisas, hono kem tau gel lemolò du. Tey kehligal le mulit lan, ne tey kehgel le udél le dmóyón ke Dwata bè yó kem hentaw ton deng ton le.
Yó udél Sifanaya, monen, “Ó kem tau bè Sayun, hol ye semngal dé. Hol ye hligal mensag, kem tau Israél. Yó kem tau bè Jirusalim, hol ye hligal se kuy. Hol hewót ye lem but blutut ye yóm kehligal ye.
Ó kem dumu but tau te tonok, tey knóón ke hol dóyón ye lu yó kem tau Dwata abay se tnafak Dwata yó kem tehe hmatay kul. Bnelesen yóm nmò yó kem hohonen ne fen hnifóten salà yó kem tauhen.”
Yake gotu le hligal semngal yóm kdéen tau bè klamangen benwu, abay se tey tedeng yóm kkukumem kul. Gotu sen-galakem yó kem tau bè ket benwu talak tonok.