Kem Lingón 10:9 - Udél Dwata: Gna Kesfasad ne Lomi Kesfasad

⁹ Eles le hmilung mangat lómón liyun, hnilung nangat kenfô le yó kem tau laen dù gmò le. Ke deng gekfô le lu, omin le kendel demyol kul lem holot le.

Kem Lingón 10:9 Referans Kwoze

Kem Lingón 17:12

Hol lómón ke liyun le alì sidek kbitil le, nódód nsék le ou, ne lómón kem ngà liyun hebnos, mangat le mò kenfô le.

Kem Lingón 59:3

Deng wen gónó le hmékét dou. Kem tau alì lóbô fen mangat dou bè yó, yakem wen sem salà deng nmou bélê le, Dwata.

Kem Lingón 35:10

Hol lemwót lem but blututu yóm kdóyónu du, yó monu, “Ó Dwata, laen kô dù gemsenged kóm. Tmau du de gembek lemwà yó kem tau lunog ne kem tau élél bè yó kem tau kemgis? Tmau du de gembek mofin yó kem tau élél bè yó kem tau gel mongò kul?”

Kun Snulat Jan 10:12

Okóm yóm tau olon semgyok ubiha lemwót bè yóm gel ksukéy le du, ke sok sut yóm ógóf lóbô gu lem bnes, tódô mlóy yóm tau yó, gtagaken yó kem ubiha sen-gyoken, abay se sundu kun ubiha du, ne là du du yóm tau hol semgyok kul. Yó nmò yóm ógóf lóbô sut yó, wen ubiha kenfóen, ne gotu senklahen lu yó kem dumu.

Hbakuk 3:14

Kul suk se hatayem kul yó kem tau alì mebetik mundug kum. Yóm kebetik le, hol lómón ke lenos bong. Ofo kul mon du ke mahil gemwa kul yó kem tau Israél.

Amus 3:4

Gel mngel gu lem dlag kô yóm liyun ke là deng tonen du yóm kenfóen? Ne yóm ngà liyun, gbeken mngaw lem solen kô ke là deng wen kenfóen?

Isaya 32:7

Tey sidek yóm tau là hulungen hedem yó, hono sidek yóm gel nmoen. Sónmoen matul du yóm lanen hemsidek yó kem tau élél hlanen bè kéng. Ne hensengen lu anì là guta le du yóm kul ktahu.

Kem Udél Hlalak Tehe Selumun 28:15

Yóm tau élél laen kô dù gmoen bè yóm tau hol geta gel mò sidek, tey sidek klóbóen hol lómón ke mngel yóm mon le liyun, ne yóm klóngónen sembitek yóm mon le bér.

Kem Udél Hlalak Tehe Selumun 22:16

Yóm tau lenugihen yóm tau élél anì temnù kendengenen, baling élél. Senged se kbalingen élél ke bemlay bè yóm tau mdengen.

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

Kem Lingón 140:5

Yó kem tau heklabak, wen holot nmò le mò alu le do. Deng nból le huket le, ne deng tey wen holot nmò le bè lan.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Kul Nmò 23:21

Okóm béem abay hwit etu bélê le, abay se deng wen mukas fat folò hmékét du bè lan anì hnatay le. Hyu deng wen senfasad le, mung du safà le, là tagad le mken ne minum ke là deng ghatay le du. Deng le gotu hékét ne yó kem tau yó, nangat le yóm khógówem du etu.”

Hbakuk 1:15

Tódô me kem téwéng ne kô bè dulé kem hohon me, gedyol elem huket le igò le fen alì hligal se kul?

Kem Lingón 37:14

Yó kem tau sidek nmò le, dmilot le sudeng, ne bemtul le boho, tô hnatay le yó kem tau élél, ne yó kem tau tedeng kmò le.

Kem Lingón 109:31

Yakà du gel mfi du yóm tau laen dù gónóhen htóbóng mò lemwà du lem hólól yó kem tau tô hmatay du.

Job 38:40

ke gel le hlilil mangat lem yóm kul kilib gónó le nô, duhen ke hebnos le lem bnes?