Kem Lingón 10:8 - Udél Dwata: Gna Kesfasad ne Lomi Kesfasad

⁸ Bè yó kem benwu lemnek hmékét le bè lan, hnatay le yó kem tau laen dù salà le. Tendo hnebel mata le yóm tau laen dù gmò le.

Kem Lingón 10:8 Referans Kwoze

Hbakuk 3:14

Kul suk se hatayem kul yó kem tau alì mebetik mundug kum. Yóm kebetik le, hol lómón ke lenos bong. Ofo kul mon du ke mahil gemwa kul yó kem tau Israél.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

1 Samwél 22:18

Omin yóm tau hol geta mdók ke Dóg, monen, “Yó ne uu hmatay kul.” Tahu se, beklil Dóg ne gotu hnatayen yó kem tau blóng ebè Dwata yó. Bè yóm kdaw yó, botong wolu folò limu tau blóng ebè Dwata hnatayen, igò le tolo lemsek yóm nes kul gel lesek yó kem tau gel blóng ebè Dwata.

Kun Snulat Luk 8:1

Timbow kogolen bè yó, omin Jisas tódô hlós ebè yó kem dumu benwu lanen tmulón du yóm Tulón Hyu gbak ebè yóm kogot Dwata tau. Ne mung du yó kem sfolò lewu tau gel lemolò du.

Kem Lingón 94:6

Botong hnatay le yó kem libun bolu ne yó kem tau milo, ne bnonok le kem ngà hikit.

Kem Lingón 17:11

Yó nmò le ktes le ou, ne ni deng snibut le ou, mebel le lan anì bot le ou te tonok.

1 Samwél 23:23

Senket tenngel ye yóm kdê gónón gel hebnos ne bud ye semfulék edini ke deng hol gtukul ye gónón nô anì munge kuy. Ke tolo nô bè yóm benwu yó tódô lenngebu klamang Juda mebel du.”

Kun Snulat Luk 10:1

Kogolen bè yó, wen hitu folò lewu tau bud nélék Jisas, ket ne lewu kmò khógówen kul, hegnahen lu ebè tu kem benwu gónón angat e mógów.

Kem Udél Hlalak Tehe Selumun 24:15

Béi abay matul mò sidek bè gónô yóm tau tedeng kmoen lómón yóm kun kmò yóm tau gel mò sidek ne béem hensidek se yóm kun gónó nô.