Kem Lingón 10:7 - Udél Dwata: Gna Kesfasad ne Lomi Kesfasad

⁷ Yóm gel btang bè sumóng le, hono udél hemmulà, udél mò kéng, ne udél mifis. Mahil bélê le mudél sidek ne mudél hemsidek kem dumu le.

Kem Lingón 10:7 Referans Kwoze

Kem Lingón 7:14

Yó kem tau mò sidek, deng eles natul le yóm sidek nmò le. Natul le yóm kmò kesbeweg le tau, ne són smukat nmò le.

Kem Lingón 144:11

Hol kenlungem o bè bak suk. Lenwaem o lem hólól yó kem hohonu. Hono kéng btang bè sumung le. Igò le se smafà ani tulón le yóm ktahuhen, okóm kéng le.

Kem Lingón 140:9

Hol tles heglaem yó kem hohonu bè yóm sidek deng atul le etahu.

Kem Lingón 140:3

Tey des yóm udél gel btang bè sumóng le, hol lómón ékét ulal, ne tey des kudél le, hol lómón alas sedof.

Kem Lingón 73:8

Gel knuli le kem dumu tau, lelen sidek kbak le. Tey sidek kehegmón le, ne sónmò le matul kmò kdà le kul elaan yó kem dumu tau.

Kem Lingón 64:3

Tey telem dilak le, hol lómón ktelem yóm sudeng sbalà bak. Yóm kdes yóm udél le, hol lómón kdes yóm bak hanak gónó matay.

Kem Lingón 59:12

Lemwót bè yó kem udél le alì sidek gel btang gu lem bak le, yó se gónó le gekfô mlan bè yóm alì kehegmón le, ne bè kehedwata le bak, ne bè alì kmò le kéng.

Kem Lingón 52:4

Ó tau mò kéng, ke mudéli, teyi móyô hemdes nawa kem dumuhem.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

Jirimaya 9:6

Sónmoen temnù yóm kéng gel tulón le. Là kô le bud móyô mulék ebéléu,” mon Dwata.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Kem Udél Hlalak Tehe Selumun 30:8

Tanayen, hol tnóbóngem o anì là gemmoe kéng ne gewuhen, béem hdengen o ne béem hélél se o, olom bemlay do yóm mò gel sfeng kenu.

Kem Udél Hlalak Tehe Selumun 21:6

Yóm kendengen guta tau mlan bè ktulónen kéng tódô kmanas lómón keklanasen bulók kulón ne ni se gónón gholot e lem hatay.

Kem Lingón 144:8

Hono kéng btang bè sumóng le. Igò le se smafà anì tulón le yóm ktahuhen, okóm kéng le.

Kem Lingón 62:4

Yó atul le tô tenklé le ou bè yóm deng kegeta glalu. Sónmò le mò tulón lenbù etahu. Swè le béléu ke ssolu me, okóm lem but blutut le, henmulà le ou.

Kem Lingón 58:3

Ni kem tau mò sidek ni, tódô mung bè ksut le gemsalà. Kewóten bè ksut le yóm kmò le kéng.

Kem Lingón 55:21

Tey lendey udélen, okóm lem but blututen hono utó nawa. Tey hyu udélen anì monem ktelem sudeng.

Kem Lingón 41:6

Ke nauy le ou, lómón ke wè le ou, anì monen mò lan le mebel ke wen sidek tulónu. Bè kulék le, bud gel tulón le bè kdéen tau.

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

Kem Lingón 50:19

Hono sidek yó kem udél gel btang bè sumóng ye, ne mahil bélê ye tmulón kéng.

Kem Lingón 59:13

Lemwót bè yóm tey kebutem kul, gotu sulék genlaem lu. Ominen yó he yóm kdéen tau bè klamangen benwu angat temngón du, Dwata se mogot du yó kem tau Israél.

Amus 8:4

Ni mò hol hnungol ye, yu kem tau gel hemgnok yó kem tau élél ne gembà klowil yó kem tau laen dù kwa le lem nim benwu ni.