Kem Lingón 10:4 - Udél Dwata: Gna Kesfasad ne Lomi Kesfasad

⁴ Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Kem Lingón 10:4 Referans Kwoze

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kul Nmò 8:22

Hegseli dé bè yóm tey sidek tô atulem ni,” mon Pitér, “ne holi mni bè Dwata anì hnifóten béléem yóm alì ksidek kehedemem yó.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.

Kem Lingón 53:1

Yó mon nawa yó kem tau là hulung le hedem, “Laen kô dù Dwata.” Yó kem tau mon du yóm yó, hono kem tau mò sidek, nmò le yóm nmò alì kenyó. Laen dù bélê le mò du yóm tedeng, balù sotu.

Dwata 8:14

hol bê ye abay hegmón ne bê ye abay klifót yóm sana kuy Dwata hol gónó mogot, yóm deng lemwà kuy gu bè Idyip, bè yóm benwu tehe gónó ye ghesek.

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Ifisus 2:12

Bè yóm kdaw yó, tey ye mayuk bè Krays. Tólóng ye tau se kuy, là gomong ye bè yó kem tau tehe nélék Dwata mò hol kun tau. Ne laen kô dù kuy du yó kem tehe fasad Dwata kul. Olo ye kem beyen tau nô talak tonok yó dum kuy. Laen kô dù hendón nefet nawa ye, abay se là kô deng tngón ye ke Dwata.

Mark 7:21

Abay se lemwót gu lem hendem tau yóm kdéen nmò sidek, lómón mò samuk, ne mnagaw, ne monok,

Sifanaya 2:3

Hloni ye bè Dwata se kuy, kem tau hulung heglaan bè nim benwu ni, kem tau gel mò du yóm kun kóyô Dwata. Hol nmò ye yóm tedeng ne hol ye heglaan bè Dwata. Là tngón te du déke laen dù tódô kuy bè yóm kdaw kehton Dwata du yóm alì sidek kebuten tau.”

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Kem Udél Hlalak Tehe Selumun 30:13

Wen se kem tau alì salù le knô le abay se hendem le laen dù dumu tau gemsenged du yóm kul kehyu kmò.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Kem Udél Hlalak Tehe Selumun 21:4

Bè yóm kehtonen salù ne keheklabaken gónón galak yóm tau gel mò sidek ne yó se mit du gemsalà.

Kem Udél Hlalak Tehe Selumun 6:17

Tanayen kehegmón. Glewuhen tmulón kéng ne getluhen yóm monok là duón.

Kem Lingón 101:5

Là kô tódô bayau du kul yóm gel ktifù le kéng bè kem dumu le sebét ne yó kem tau heklabak ne kem tau hegeta knô.

Kem Lingón 36:1

Yóm salà, gel senboyongen yó kem tau gel mò sidek, senboyongen lem hendem le. Là kô knikò le ke Dwata, yó gónón laen dù hemseng kul mò sidek.

Kem Lingón 27:8

Deng monem se mò dou, “Na hlonihi sen.” Ne deng monu se mò kóm, “El, hlonihe ebéléem, Dwata.”

Kem Lingón 18:27

Sal gel lenwaem yó kem tau hulung heglaan, okóm yó kem tau hegeta knô, gel heglaanem lu.

Kem Lingón 73:11

Yó gel udél yó kem tau heklabak yó, mon le, “Là kô tngón Dwata du yóm kut nmò. Yóm Hol Geta yó, là kô glileben du yó kem gel nmò tekuy.”

Sifanaya 1:12

Bè yóm kdaw yó, angat wen solok nwitu mò soloku bè yóm gónón alì kmifu bè Jirusalim, hnebelu yó kem tau alì hmingay du yóm kegsalà le. Yó gel hendem le, ‘Laen kô dù hyu nmò Dwata bélê me ne laen se dù sidek nmoen.’