Kem Lingón 10:2 - Udél Dwata: Gna Kesfasad ne Lomi Kesfasad

² Lemwót bè yóm keheklabak yó kem tau mò sidek, yó gónón alì sidek kehegnok le yó kem tau élél. Hol lu hebkóhem bè yóm sidek atul le eta yó kem dumu tau.

Kem Lingón 10:2 Referans Kwoze

Kem Lingón 59:12

Lemwót bè yó kem udél le alì sidek gel btang gu lem bak le, yó se gónó le gekfô mlan bè yóm alì kehegmón le, ne bè kehedwata le bak, ne bè alì kmò le kéng.

Kem Lingón 36:11

Hol béem abay lus lu yó kem tau hegmón ke nundug le ou, duhen ke lò le ou yó kem tau gel mò sidek.

Kem Lingón 7:16

Bud mulék eta le yóm sidek tô nmò le bè dumu tau. Natul le hemsidek dumu tau, okóm bud mulék eta le.

Kem Udél Hlalak Tehe Selumun 5:22

Yóm tau gel mò sidek deng gfét lem salà ne. Yóm salaen henged fét mgen du.

Kem Lingón 119:122

Hol fasadem do yóm któbóngem do, yóm tau tóbóng lówóhem. Béem bayà o ke hen-gnok le ou yó kem tau heklabak.

Kem Lingón 31:18

anì là bud le mò udél yó kem tau mò kéng yó, kem tau alì hegmón, alì heklabak, tnifù le kéng yó kem tau tedeng kmò le.

Kem Lingón 140:5

Yó kem tau heklabak, wen holot nmò le mò alu le do. Deng nból le huket le, ne deng tey wen holot nmò le bè lan.

Kem Lingón 119:85

Yó kem tau heklabak yó, kem tau deng kembê du yó kem hlauhem, deng wen sol ngelem nokol le mò gónó le hebtang do.

Kem Lingón 119:69

Gel tnifù le o kéng yó kem tau heklabak, okóm do, hol lemwót lem but blututu yóm kimónu du yó kem hlauhem.

Isaya 14:16

Angat tey kehlunu le kóm yó kem tau nô bè benwu yó kem deng matay snólók le, “Ni kô yóm tau gel gmida bè klamangen benwu efet setbol kkel yó kem tau bè ket benwu?

Isaya 14:13

Yó tehe atulem tói motun bè longit anì suem ta yó kem blotik hol geta yóm gónóm myón kmamal. Ofo kóm mon du ke angati myón kmamal bè yóm bulul fi bwak gónó le gel stifun yó kem dwata.

Kem Lingón 119:5

Hyu nawahu ke hol gfan bè kdê nmou yó kem deng hloloem kum.

Kehewà 18:11

Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”

Kehewà 9:17

Okóm sana tolo kehegmónem ne là kói móyô hewót kul yó kem dou tau.

Kem Lingón 109:16

Abay se balù udì ke hendemen mò du yóm hyu, deng mom hnatayen yó kem tau élél laen dù kwa le, dalang se yó kem tau deng wen gónón lebà nawa le.