Kem Lingón 10:16 - Udél Dwata: Gna Kesfasad ne Lomi Kesfasad

¹⁶ Dwata se yóm hol geta laen kô dù tul sónen. Yó kem tau gel tmaba ebè yó kem dwata kéng, tódô gotu kó Dwata lu bè yóm kun benwu.

Kem Lingón 10:16 Referans Kwoze

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Kem Lingón 29:10

Dwata se mogot kul yó kem él dmunuk. Ne laen kô dù tul sónen yóm hol kegetahen.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Kem Lingón 145:13

Laen kô dù tul sónen yóm kkamalem, ne laen kô dù tul sónen snéen yóm kegetahem. Là kô klifót Dwata du yóm kdê tehe fasaden tekuy. Gotu gfan bè kdê yó kem gel nmoen yóm kkoduhen tau.

Dwata 8:20

Ke là nimón ye ke Dwata, angat ye gotu mimot meglà lómón yóm keglà Dwata yó kem dumu but tau nô ta yóm tonok blayen kuy.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Kem Lingón 146:10

Dwata se yóm hol dandónen geta, ne laen kô dù tul sónen yóm kegetahen. Yu kem tau menwu bè Sayun, yóm Dwata gónô ye kmulu, laen kô dù sónen yóm kogoten kuy. Hol dóyón tekuy Dwata.

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Kem Lingón 78:55

Deng gotu lohen yó kem tau tehe nô bè yóm benwu yó. Nólólen yóm tonok le mò blayen yó kem tau Israél mò nfun le. Ne bè yó gónón hemsù kul yó kem tau Israél.

Kem Lingón 9:15

Yó kem tau bè kem dumu benwu, deng le mokol sól mò gónó le kemfô kem dumu tau, deng mom lu btang elem yóm sol nokol le.

Kem Lingón 9:5

Deng gotu bnólówem yó kem tau mò sidek bè dumu benwu. Deng gotu genlaem lu. Gotu hlanahem boluy le laen kô dù tul sónen.

Kehewà 15:18

Uu se, Dwata, laen kô dù tul sónen yóm alì kegetahem.”

1 Tutul Israél 29:11

Uu se, Dwata, yóm hol geta, laen dù là gbekem du. Bud uu se yóm alì knóón, yóm gel gemmò bè kem hmohon kóm. Uu se yóm hol dandónen geta. Yóm kdê nô bè longit ne te tonok hono kóm funen, Dwata. Uu se kmamal yóm klamangen. Bud uu se yóm hol dandónen geta senta yóm kdéen.

Kem Lingón 9:8

Knukumen yó kem tau bè klamangen benwu mlan bè ktedengen. Knukumen tau mlan bè klaen dù mtukul nfihen.