Kem Lingón 10:12 - Udél Dwata: Gna Kesfasad ne Lomi Kesfasad

¹² Hekmóni, Dwata. Tnafakem lu, Dwata, yó kem tau gel mò sidek. Béem abay klifót yó kem tau laen dù gmò le.

Kem Lingón 10:12 Referans Kwoze

Mika 5:9

Angat le gotu gemmò yó kem tau Israél bè yó kem hohon le ne gotu le meglà yóm kdê hohon le yó.

Kem Lingón 9:12

Yakà gel bnelesen du litô yó kem tau laen dù gmò le. Là kô nan e tódô bayà kul mkik yó kem tau wen gónó le glayam.

Isaya 33:10

Yó udél Dwata ebè yó kem tau bè klamangen benwu, monen, “Ni angat wen nmou. Htonu kuy yóm kfasangu.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Kem Lingón 94:2

Uu se fen kmukum yóm kdéen tau, géhél nem e knukum yó kem tau hegmón. Kukumem kul yóm tafak geblà bè yóm deng nmò le.

Kem Lingón 17:7

Hol hegfanem béléu yóm là konol yóm kbong nawam dou. Mlan bè kgisem yóm kehewaem yó kem tau mlo ebéléem bè yóm klóy le gu bè yó kem hohon le.

Kem Lingón 77:9

Deng klifót Dwata ne kô yóm tehe kehyu nawan ebéléu? Laen kô dù bud koduhen dou ne kô lemwót bè alì ksidek kebuten dou?

Kem Lingón 13:1

Ó Dwata, kegenen de duen yóm keklifótem dou? Klifótem ou ne kô efet kól bè sónen? Kegenen ne duen yóm kehebnosem dou?

Kem Lingón 9:19

Hekmóni, Dwata. Là hyuhen ke natù le uu kem tau. Knukumem bè soluhem yó kem tau bè dumu benwu.

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

Kem Lingón 3:7

Géhéli Dwata yóm Dwata hol gónóhu mogot, hol lenwaem ou. Hol tnafakem lu yó kem hohonu. Kóhem bélê le yóm kgis le hemsidek dou.

Kmukum 16:28

Omin Samsun mni bè Dwata yóm sana kun Dwata hol gónó mogot, monen, “Ó Dwata, yóm hol dandónen geta, hentulónem o nawa nam ne bud hekgis o sulék anì gbelesu yó kem Flistin lemsit matahu.”

Kem Lingón 9:13

Ó Dwata, hol knoduhem ou. Tenngelem yóm keglayamu bè yó kem tau kmutó nawa dou. Skotem ou lem hatay,

Kem Lingón 17:13

Hekmóni kut, Dwata. Senfatayem lu dou yó kem hohonu anì gotu le meglà. Nwitem sudengem, hewaem ou lem hólól yó kem tau gel mò sidek yó.

Kem Lingón 74:19

Hol béem namà klowil yó kem obunem ebè yó kem ógóf lóbô lem bnes. Hol béem abay klifót efet kól bé sónen yó kem kóm tau alì hnayam le.