Kem Lingón 10:1 - Udél Dwata: Gna Kesfasad ne Lomi Kesfasad

¹ Ó Dwata, moen de ke hlayuki béléu? Moen de ke henbnosem ou bè yóm igoen wen hlayamu?

Kem Lingón 10:1 Referans Kwoze

Kem Lingón 22:1

Ó Dwata, Dwatahe, moen de ke tódô bayaem se ou du? Tey ktabahu ebéléem anì tnóbóngem ou, okóm là kô dog bnalaem dou.

Kem Lingón 27:9

Hol béem abay henbnos ou. Béem lenbut ou, béem tódô hulék ou. Són sem uu yóm gónóhu gel htóbóng. Béem bayà ou tek sotu, Dwata. Són sem uu lemwà dou.

Jirimaya 14:8

Tek són uu se yóm nefet nawa me kem tau Israél. Tek són uu se yóm gembek lemwà kum bè yóm gónón wen hlayam. Moen de ke lómón ke tauhi milo bè benwu me, lómón ke tauhi mógów tek suloyen?

Kem Lingón 88:14

Moen de ke deng kenbéem ou, Dwata? Moen de ke knogolem ou?

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kem Lingón 44:24

Béem abay henbnos mi. Béem abay tódô klifót yóm tey keglayam me ne yóm kehegnok le kum.

Kem Lingón 30:7

Yóm kehyuhem ebéléu, Dwata, gónón mbegel kdau lómón kbegelen bulul. Okóm tikóng tebelem ou, deng mom tey sidek klikou.

Kem Lingón 44:25

Deng me tódô masà lem kfung, tódô me lemokob te tonok.

Jirimaya 14:9

Moen de ke laen dù gmoem, lómón yóm sendalù là gbeken du tmóbóng? Uu se hol nô bélê me, Dwata, ne mi se yó kem kóm tau. Hol béem abay tódô bayà mi.”