Kem Lingón 1:6 - Udél Dwata: Gna Kesfasad ne Lomi Kesfasad

⁶ Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Kem Lingón 1:6 Referans Kwoze

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Kun Snulat Jan 10:14

Ou se,” mon Jisas, “yóm tau hyu kesegyoken ubiha. Gotu tngónu yó kem dou ubiha ne tngón le se ou kul,

Kem Udél Hlalak Tehe Selumun 15:9

Tey keklit Dwata du yóm kun kmò yóm tau gel mò sidek, okóm yóm tau hol sen-galuhen yóm ktedengen kenbong nawahen.

Nahum 1:7

Tey hyu yóm Dwata. Ke wen hlayam sut, tek sónen du yóm gónó e mlo alì mbegel. Gotu nofinen yó kem tau smalig béléen.

Kem Lingón 146:9

Bud nofinen lu snéen yó kem tólóng tau menwu lem blóng tekuy. Tendo tnóbóngen yó kem libun bolu ne yó kem ngà hikit. Okóm yó kem tau gel mò sidek, fen hensideken kógów klowil le.

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

Kem Udél Hlalak Tehe Selumun 14:12

Wen se atul lómón ke tedeng bè kehedem tau du okóm yó sónen hatay.

Matyu 7:13

“Hol hnusek ye yóm bak tikeb sikeb, abay se yóm bak tikeb ebè yóm lanaw ofi, tey lamang, ne tey mahil yóm lan edu, ne tey tau wen lemolò du.

Kem Lingón 142:3

Bè yóm gónóhu là bud gbala, tódô tngón Dwata yóm lan mò lolou. Bè ket tô lanu, wen sù le du yó kem hohonu mò tô alu le dou.

2 Pitér 2:12

Okóm yó kem tau gel tmolok sekban yó, laen kô dù ledem le, hol le mkél bè yó kem ógóf lem bnes, són mu le mò dnulok ne mò hnatay. Senged se yó kem tau monu yó koni, gel hennê le yóm kul là deng tngón du. Elem hatay nefeten yó dum nmò le yó.

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Kem Lingón 9:6

Deng guta kem hohonu ne yóm keglà laen dù tul sónen. Yó kem syudad le, deng gotu genbaem ne laen dù bud hemtulón kul nawa.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Kem Lingón 142:4

Ke temngele gu hilolu, laen kô dù tonu tau ke tmóbóng do. Balù sotu ke wen hemdem do. Laen dù tau tmóbóng dou. Laen dù tau hemdem du ke wen gel glumfaku.