Kem Lingón 1:5 - Udél Dwata: Gna Kesfasad ne Lomi Kesfasad

⁵ Yó gónóm mon, bè yóm kdaw angat kkukum Dwata tau, gotu le golu elem hatay yó kem tau gemsalà. Là kô homong Dwata kul bè yó kem kun tau.

Kem Lingón 1:5 Referans Kwoze

Kem Lingón 5:5

Yó gónóm mon, là kô le gdà bè soluhem yó kem tau heklabak. Tey keklitem kul yó kem tau gel mò sidek.

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Matyu 25:32

Angat tódô kdéen tau bè klamangen benwu gotu stifun ebè soluhen, ne sentólóngen lu. Lómó kmò kestólóngen kul, lómón yóm tau semgyok ógóf, gel sentólóngen yó kem ubiha bè yó kem kambing.

Matyu 13:49

Hol lómón yó se mò kmoen sok kól bè yóm hol són kdaw. Lemwót yó kem hógów Dwata gu bè longit, gotu sentólóng le yó kem tau gel mò du yóm hyu bè yó kem tau gel mò du yóm sidek.

Sulat Jud 1:15

Angat gotu knukumen kdéen tau, ne tnafaken yó kem tau laen dù klikò le ke Dwata lemwót bè yóm sidek nmò le ne yóm sidek kbak le ebéléen.”

Kem Lingón 26:9

Béem hmung ou bè yóm kul gónó e kól yó kem tau gemsalà, dalang se bè yó kem tau monok, béem hmung ou golu bélê le.

Kem Lingón 9:16

Tey tótól Dwata bè ktedeng kkukumen. Yó kem tau mò sidek, gholot le bè yóm sidek nmò le.

Kem Lingón 24:3

Tau du de knóón bang mneged bè yóm kun bulul Dwata? Tau du de knóón bang husek elem yóm kun Gónô?