Kem Lingón 1:3 - Udél Dwata: Gna Kesfasad ne Lomi Kesfasad

³ Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Kem Lingón 1:3 Referans Kwoze

Jirimaya 17:8

Hol mkél bè yóm koyu mteg hilol él gefet bè él dolilen. Ke bangen kinì kdaw yóm kdawen là kmulón, laen kô dù bang tnafa nawahen. Sana kenawen yóm dounen ne tendo senflósen wen bunguhen.

Isikél 47:12

Tódô kdéen koyu mungu, angat le gotu mteg sfatà kilil yóm él yó. Là kô le mékéng yó kem doun le ne là kô le tbó. Tódô senflós le mungu yó kem koyu yó, tódô ket le bulón bud mungu, yakà tendo le méfê bè yóm él mlel lemwót gu bè Gónô Dwata. Yóm bungu le mò gel ken ne yóm doun le mò gel hkó des.” Là gomongen bè nili yóm bérs 13 kól bè bérs 23. Yó tulónen bè ni kem bérs ni yóm kmò keblóng Dwata du yóm klamang benwu Israél. Là gomongen bè nili yóm tsaptér 48. Yó tulónen bè yóm tsaptér ni yóm kmò kólól Dwata du bè sfolò lewu ból Israél yóm tonok bè benwu Israél, ne yóm kmoen boluy yó kem sfolò lewu bak tikeb yóm syudad Jirusalim, bede hewóten bè boluy yó kem sfolò lewu ngà Jakub.

Kem Lingón 92:14

Balù yóm deng ktuha le, sana kbungu le. Là kóen monol kgis le bè yóm kmò le nmò.

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Tekang Kbuten 39:23

Là kóen tafa nawahen du yóm hogoten ke Jusif yóm tau mentey gónô blanggù yó abay se tendo nô bè Jusif Dwata. Balù kihu nmoen, sal hyu uléken.

Deng Hegfan 22:2

hlós mlel ebè gónón sóól yóm lan bè yóm syudad yó. Tódô sbalà tmowok bè kililen se yóm koyu boluyen koyu hlowil tau. Sfolò lewu duléken mungu bè yóm sfalay yóm koyu yó, tódô keten bulón. Ne yó kem dounen mò bulung bè yó kem tau bè klamangen benwu.

Isikél 17:8

Mom yó nmoen igoen tey mabù yóm tonok gónón mteg, lelen tey wen él bè yó anì tilob ktowoken ne mobung dounen ne anì tilob kbunguhen.

Matyu 13:6

Okóm timbow sut kdaw bè yóm deng ktowoken, tódô kendel menes, abay se monem là holen ngelem dolilen.

2 Tutul Israél 31:21

Yóm kdê nmoen bè yó bè Gónô Dwata ne bè yóm khotuhen gelen lemolò du yóm hlau Dwata ne yó kem hloloen kul, lemwót lem but blututen yóm kmoen du, ne yó gónón wen gendengen bè ket nmoen.

Tekang Kbuten 39:3

Tódô dilô yóm amohen yóm tendo knô Dwata bè Jusif ne yó gónón hyu uléken bè yóm ket gel nmoen bè yóm amohen.

Kem Lingón 128:2

Lemwót bè kmoem nmò, angat wen gónóhem gel ma yó kem wen muhem du. Angat gsengel nawahem du, ne hyu kógów klowilem.

Isaya 44:4

Bè yóm angat klowil le, hol le mkél bè yó kem bnes eles héfê tonoken ne mkél le bè yó kem koyu tmowok tmubé él.

Job 14:9

ke kmulón kaem angat bud gulék lómón yóm hulu lomi tmowok.

Matyu 21:34

Tikóng deng kól bè kbunguhen yó kem huluhen yó, wen kem tau dóken ebè yó kem tau deng tehe hogoten du anì hwit le ebéléen yóm kun bad.

Matyu 21:19

Ne wen tonen sotu koyu mdà kilil lan boluyen fig. Omin Jisas mógów etu, nénégen ke wen bunguhen, okóm laen duen, tódô hono doun. Omin Jisas mudél ebè yóm koyu yó, monen, “Nbuten ni là kói na e bud mungu.” Tódô sen-gengen se mékéng yóm koyu yó.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

Matyu 21:41

Bnalà le se, mon le, “Angat gotu hnatayen lu yó kem tau sidek nmò le yó, ne bud hogoten tu kem dumu tau hyu keblay le bad bè ket kgefeten.”

1 Tutul Israél 22:11

Duhen ni, ngà, Dwata he tendo nô béléem ne tnóbóngen u anì gdengem yó kem hloloen kóm bè yóm kehefdaem du yóm kun Gónô yóm sana kóm Dwata hol gónó mogot.

Kem Lingón 129:8

Laen dù bè yó kem tau mius bélê le ke wen mon du, “Dwata he hol tmóbóng kuy. Hlan me nim mon me ni bè boluy Dwata.”

2 Tutul Israél 32:23

Lenwóten bè yó ne, tey kehegeta le ke Hisikaya yóm tau hol geta, yó kem tau bè dumu benwu. Tey wen bélê le mit basa ebè Dwata bè yó bè Jirusalim, ne wen tey kem basa mebtes nwit le ebè Hisikaya yóm tau hol geta snéen.

Lista 24:6

Hol lómón ke stodol tmowok kemlol él yó kem lefò duhen ke yó kem dumu hulu. Lómón ke koyu alus ne koyu sidar hulu Dwata.

Dwata 28:8

Angat tnóbóng Dwata yu bè yóm gel kmò ye nmò ne angat tódô hennoken yóm fol ye. Angat tendo nuyagen yu ta yóm tonok blayen kuy.

2 Bok Kem Tau Hol Geta 18:7

Tendo nô béléen Dwata, ne ket nmoen sal wen uléken. Natuen yóm tau hol geta bè Asirya, là móyóen mayad du yóm gel hbayaden kul.

1 Tutul Israél 22:13

Abay se ke hol loloem yó kem hlau Dwata ne yó kem hloloen yó kem tau Israél tehe hlanen bè Musis, angat wen uléken yóm kdê nmoem. Holi hbegel, ne hol hfólem nawam. Béi abay hlikò, ne béem hegdódól nawam.

Kem Lingón 92:15

Yó mon le, “Tey ktedeng Dwata. Du se yóm botu mbegel dou gónó heklung. Laen kô dù sidek béléen.”

Isaya 58:11

Ne tendo gel sen-galaku yu ne hegsengelu nawa ye bè yó kem hyu blayu kuy. Tendo gel hekgisu lówó ye ne hlayuku bélê ye yó kem des. Lómón ke yu yóm gónó mò hulu eles tendo héfê tonoken ne lómón ke yu yóm tbul él là ktihen.