Kem Lingón 1:1 - Udél Dwata: Gna Kesfasad ne Lomi Kesfasad

¹ Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

Kem Lingón 1:1 Referans Kwoze

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Kem Udél Hlalak Tehe Selumun 1:15

Ó Man hol béi abay mung kul ni kem tau lómón ni ne holi hlayuk bélê le.

Kem Lingón 34:8

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Kem Lingón 112:1

Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata.

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Ifisus 6:13

Yó gónóm mon, géhél dikót ye ne yó kem ngom sfatay deng blay Dwata kuy anì laen dù gmò Seitan bélê ye ke bangen muluk kuy. Bà nô kegen Seitan tô ma kuy, là kô ye na a ghudul.

Tekang Kbuten 49:6

Là kóe mung du dou yóm kul lifut sentulón, duhen ke wen yó kem gel sensatul le. Yakà deng le tehe gemhatay tau lemwót bè kebut le. Ne deng htugô le yó kem safì tudu mò lelen le.

Jirimaya 17:7

Okóm tnóbóngu yóm tau smalig béléu ne són ou nefet nawahen.

Kem Udél Hlalak Tehe Selumun 13:15

Yóm khulung tau temnef gónón gmuta yóm kadat tau du, okóm yóm tau là gsalig du yóm kun lan mit du meglà.

Kem Lingón 119:115

Yu kem tau gel mò sidek, hlayuk ye béléu, yakà són hlau yóm do Dwata yóm dou lolò.

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

Kem Lingón 26:12

Deng hol nô bè nawahu mimón ke Dwata, ne angat dóyónu bè gónón wen.

Kem Udél Hlalak Tehe Selumun 2:12

Kenlung le u bè yóm tau gel mò sidek ne bè yó kem tau mò tulón seblékê

Kem Lingón 81:12

Duhen yó, tódô bayau kul ne yóm kgel kulu le yó anì lolò le yóm kul knóyô.

Kem Udél Hlalak Tehe Selumun 4:19

Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.

Kem Udél Hlalak Tehe Selumun 3:34

Hnohonen lu yó kem tau gel heklabak, okóm gel knoduhen yó kem tau heglaan le knô le.

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Kem Udél Hlalak Tehe Selumun 9:12

Ke wen khulungem hedem ni se yóm kóm kehyu. Okóm ke mom kenbéem laen dù dumu glayam són sem uu.

Kem Lingón 84:12

Tey bong kligalen yóm tau smalig béléem, Dwata, yakà uu du yóm Dwata laen dù là gbeken du.

Sulat Pol Ebè Yó Kem Tau Hemtahu Bè Rom 5:2

Lemwót bè yóm kehtahu tekuy béléen, deng wen ne lan Dwata tmóbóng tekuy. Tey kligal tekuy yóm angat kwen kut du yóm kun kehyu Dwata sok tekuy gefet bè longit. Yó se hendón nefet nawa tekuy nim kmoen ni.

Kem Lingón 144:15

Tey kehligal le yó kem tau ke lómón ni klowil le. Tey kehligal le kul yó kem tau ke yóm Dwata hol gónó mogot yóm kul Dwata.

Kun Snulat Jan 20:29

Mon Jisas se mò du, “Yó kô olo gónóhem hemtahu béléu lanem deng mton do? Bong kligal le kul yó kem tau hemtahu béléu anien ke là ton le do.”

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

1 Pitér 4:3

Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Kem Lingón 146:9

Bud nofinen lu snéen yó kem tólóng tau menwu lem blóng tekuy. Tendo tnóbóngen yó kem libun bolu ne yó kem ngà hikit. Okóm yó kem tau gel mò sidek, fen hensideken kógów klowil le.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

Kem Lingón 146:5

Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

1 Bok Kem Tau Hol Geta 16:31

Tey mahil béléen lemolò du yóm kdê salà nmò Jirubuam ngà Nibat, ne yó sidek bud gotu nmoen yóm kyehenen ke Jisébél yóm ngà boi Itbaal yóm tau hol geta bè Sidon, ne gbót tmaba ebè yóm kul dwata kéng boluyen Baal.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Kem Udél Hlalak Tehe Selumun 19:29

Deng wen tafak eles mangat kul yó kem tau semdekà ne yó kem tau book eles wen se bogul tgama kul.

Kem Lingón 64:2

Hol kenlungem ou bè yó kem tau gel mò sidek matul dou, ne bè yó kem tey tau wen deng matul dou.

Job 31:5

Deng wen kéng nmou kô bè dumu tau? Deng wen lanu tmondo kul kô?

Tekang Kbuten 5:24

Bè yóm klawihen mowil tey tilob kesetngón le Dwata, ominen tódô lana abay se tódô hbatun Dwata.

2 Tutul Israél 22:3

Bud senged se kun nmò Ahasaya, loloen yóm sidek nmò yó kem fes lówó Ahab, abay se yóm yéen gemduf du mò sidek.

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.