Kehewà 9:9 - Udél Dwata: Gna Kesfasad ne Lomi Kesfasad

⁹ Gotu holis lómón yóm kholis kfung bè klamangen Idyip ne bè ni gónón lemwót hnisa yó kem tau bè klamangen Idyip dalang se yó kem dù ógóf le. Ne yóm hisa le yó tódô hlós baling mgas bè lówó le.”

Kehewà 9:9 Referans Kwoze

Deng Hegfan 16:2

Tahu se. Lemwót yóm tanay hógów Dwata koken yóm kun tukung ete tonok. Ne tódô sen-gengen se yóm tey bkukang alì sidek kdesen gotu gnóm yó kem tau deng nô bélê le yóm kun ilô yóm lóbô tehe tanay sut, ne yó kem deng hemtahu bè yóm lennged tehe hmoen.

Dwata 28:27

Angat wen tey hisa hwit Dwata ebélê ye lómón yóm deng tehe nmoen bè yó kem tau Idyip. Yóm lówó ye, tódô tfeng mgas ne tey sidek kketelen. Ne laen kô dù bulung gembek hkó du yóm des yó.

Job 2:7

Tahu se. Lemwót Seitan gu bè solu Dwata, tódô hlós ebè Job ne gotu hesuten bè lówó Job yó kem tey hisa wen lenwóten laan tihen efet kól bè kuluhen.

Dwata 28:35

Angat tnafak Dwata yu, tódô tfeng hisa bè lówó ye nbuten bè kulu ye efet kól bè ti ye yóm hisa là gbek bnulung du.

Kehewà 9:8

Yó bud mon Dwata mò ke Musis ne Aron, “Ma ye ket kuy skuf kohù bè kohù ye. Ke deng ye kól bè solu Faro, sohul Musis eta yóm kohù yó bè yóm igò Faro temngel.

Kehewà 9:10

Tahu se, ma le kohù le Musis ne mdà le bè solu Faro. Omin Musis smohul du eta yóm kohù yó ne gotu le hnisa yó kem tau ne yó kem ógóf le ne baling mgas bè lówó le.