Kehewà 9:6 - Udél Dwata: Gna Kesfasad ne Lomi Kesfasad

⁶ Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.

Kehewà 9:6 Referans Kwoze

Kem Lingón 78:48

Gotu hfatayen snéen yó kem safì le mlan bè yóm bulók kulón yó, ne hekfóen leték yó kem dumu ógóf le.

Kem Lingón 78:50

Là bud nafasen du yóm alì ksidek kebuten kul. Là kô lenwaen kul bè yóm hatay le, okóm gotu hfatayen lu mlan bè yóm des mit hatay hwiten elem blóng le.

Kehewà 9:25

Tbó bè klamangen Idyip yóm tey bulók kulón yó bè kdê yó kem nô bè lewà le gomong tau ne kem ógóf le. Ne yó kem hulu le gotu le megfuk ne yó kem koyu gotu le tfok.

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.

Kehewà 9:4

Bè yóm nmou ni mò gónón gfan yóm kestólóngu yó kem kul ógóf yó kem tau Israél bè yó kem kul ógóf yó kem tau Idyip. Yóm kul ógóf yó kem tau Israél, balù sotu ke wen matay bélê le.

Kehewà 9:5

Ou se yóm Dwata deng muteng du ne haya kmou du yóm ni.’ ”

Kehewà 9:26

Són benwu Gusén, yóm benwu bè Idyip gónó le nô yó kem tau Israél, gónón laen dù bulók kulón.

Kehewà 12:29

Hol sóól buteng se gotu hnatay Dwata yóm kdéen ngà logi twogu yó kem tau Idyip, lenwóten bè ngà Faro, yóm ngaen bud tô temles du, kkólen bè ngà yóm tau knukub le ditu bè gónón kmifu. Dalang se yóm kdéen tanay sut bè yó kem ógóf le gotu matay.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.