Kehewà 9:5 - Udél Dwata: Gna Kesfasad ne Lomi Kesfasad

⁵ Ou se yóm Dwata deng muteng du ne haya kmou du yóm ni.’ ”

Kehewà 9:5 Referans Kwoze

Kehewà 8:23

Bè nim angat nmou ni, mò gónón gfan yóm kestólóngu yó kem dou tau bè yó kem tau Idyip. Haya ksuten nim tey hentaw ni.’ ”

Lista 16:5

Ominen mudél ebè Kura ne bè yó kem lemolò du, monen, “Hlafus haya hegfan Dwata bélê tekuy yóm tau deng néléken. Yóm tau deng néléken, du se henmóyóen mò mtem insinsu ditu bè soluhen.

Kehewà 10:4

Ke là bud hewótem kul, haya wen kem tlangas hwitu elem nim benwuhem.

Kehewà 9:18

Hlafus haya lómón ni uras, hetbóhu yóm tey bulók kulón, yóm bulók kulón là deng hnikót ton kem tau Idyip du lemwót bè kbut yóm benwu le.

Kehewà 9:4

Bè yóm nmou ni mò gónón gfan yóm kestólóngu yó kem kul ógóf yó kem tau Israél bè yó kem kul ógóf yó kem tau Idyip. Yóm kul ógóf yó kem tau Israél, balù sotu ke wen matay bélê le.

Kehewà 9:6

Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.