Kehewà 9:4 - Udél Dwata: Gna Kesfasad ne Lomi Kesfasad

⁴ Bè yóm nmou ni mò gónón gfan yóm kestólóngu yó kem kul ógóf yó kem tau Israél bè yó kem kul ógóf yó kem tau Idyip. Yóm kul ógóf yó kem tau Israél, balù sotu ke wen matay bélê le.

Kehewà 9:4 Referans Kwoze

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Kehewà 12:13

Yóm litô nô bè hehek yóm bak dól ye mò ilô yóm gónô gónó ye nô. Bè yóm kógówu, ke tonu yóm litô yó tódóe mius. Là kô naw e hensidek kuy bè yóm ktafaku yó kem tau Idyip.”

Kehewà 10:23

Yó kem tau Idyip, là kô le bud ston ne balù sotu tau ke gtebelen gónóen bè yó kem kdaw yó. Okóm kul yó kem tau Israél wen layag bè yóm kul gónó nô.

Kehewà 9:5

Ou se yóm Dwata deng muteng du ne haya kmou du yóm ni.’ ”

Kehewà 9:6

Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.

Kehewà 9:26

Són benwu Gusén, yóm benwu bè Idyip gónó le nô yó kem tau Israél, gónón laen dù bulók kulón.

Amus 4:7

“Là kô hkulónu du bè yóm kdaw alì kwen muhen bè yó kem hulu ye ne gotu sidek yó kem hulu ye. Deng hkulónu bè yóm sotu syudad, okóm là hkulónu du bè yó kem dumu syudad. Kmulón ebè sotu tonok gónó mò hulu, fen là bè yó kem dumuhen, hlós tódô mékéng.

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.