Kehewà 9:32 - Udél Dwata: Gna Kesfasad ne Lomi Kesfasad

³² Són là gehsideken du yóm bulók kulón yó, són yó kem lewu kay halay le là deng le lemsob boluy le wit ne spélt.

Kehewà 9:32 Referans Kwoze

Kehewà 10:22

Tahu se, hdà Musis eta bè longit sigelen ne botong tlu kdawen mò du kmifu mget bè klamangen Idyip.

Kehewà 9:31

Tahu se, bè yóm ketbó yóm bulók kulón gotu sidek yó kem halay le deng gotu hulô boluyen barli. Ne gotu sidek snéen yó kem halay le deng kmolon boluyen flaks.

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

Kehewà 10:5

Tódô tfeng tlangas lem nim benwuhem ni efet là bud tonem du tonok. Gotu ken le yó kem dù tebel là gehsidek bulók kulón du. Balù yó kem koyu dù tebel gotu ken le.

Kehewà 10:12

Omin Dwata bud mon du mò ke Musis, “Tayalem eta sigelem ebè klamang Idyip anì wen tlangas sut. Bè yóm ksut le gotu ken le yóm kdéen tmowok, yó kem dù mowil bè bulók kulón.”