Kehewà 9:30 - Udél Dwata: Gna Kesfasad ne Lomi Kesfasad

³⁰ Okóm deng eles tngónu là kô dog knikoem du se kóm yóm sana Dwata hol gónó mogot. Dalang se yó kem genlalem, laen kô dù klikò le se kul.”

Kehewà 9:30 Referans Kwoze

Isaya 26:10

Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Kehewà 8:29

Mon Musis se, “Bè nim kewótu ni mnihe béléem bè Dwata anì yó, haya tnagak le u yó kem lenged, tnagak le yó kem genlalem ne yó kem tauhem. Okóm hol béem bud tundug mi ne béem abay nali yó kem tau anì na le e demsù ebè Dwata.”