Kehewà 9:3 - Udél Dwata: Gna Kesfasad ne Lomi Kesfasad

³ angat tnafaku u mlan bè kehwitu yóm des alì sidek ebè yó kem ógóf ye, bè kudà ye ne bè kudà asnu ye ne bè kamél ye ne bè safì ye ne bè ubiha ye ne bè kambing ye.

Kehewà 9:3 Referans Kwoze

Kehewà 7:4

Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kul Nmò 13:11

Ngem, ni ne kegtekem yóm ktafak Dwata kóm. Nam na butô efet yóm kehkó Dwata du béléem.” Sen-gengen se mefet bè Élimas yóm kbutóen. Tódô migóf, mebel tau mò malak du.

1 Samwél 6:9

Ke smolu le mulék ebè yóm kul benwu bè Bit-sémés, bè yó gónó tekuy temngón du deng Dwata yóm hemwit ebélê tekuy yóm des mit hatay. Okóm ke là, sundu Dwata du yóm hemwit ebélê tekuy yóm des yó tódô kun ksut.”

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 5:3

Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”

Kem Lingón 39:10

Hol béem abay bud tnafak ou ne. Denge tô matay bè yóm ksuntukem dou.

Amus 4:10

“Deng hwitu elem blóng ye se yóm tey hlayam, lómón yó kem hlayam tehe hwitu ebè yó kem tau Idyip ekni. Deng hfatayu bè gida se yó kem ngà ye logi hanà lomi lemnok ne gotu hfatayu se yó kem kudà le. Deng tódô hono boo bolok tau matay gungef ye bè kamfù ye. Ewenem sana là kóyô ye semfulék ebéléu,” mon Dwata.

Tekang Kbuten 47:17

Tahu se, gotu nwit le ebè Jusif yó kem ógóf le ne benlayen lu ken mò luluk yó kem kudà le ne kem ubiha le ne kem kambing le ne kem safì le ne kem kudà asnu le. Bè yóm halay yó, gotu lenuluk Jusif ken yóm kdê ógóf le.