Kehewà 9:29 - Udél Dwata: Gna Kesfasad ne Lomi Kesfasad

²⁹ Mon Musis se mò du, “Bè yóm kehewau bè nim syudad ni, hdau eta sigelu ne mnihe bè yóm sana kum Dwata hol gónó mogot. Tódô hotok yóm leték ne laen se dù bud bulók kulón anì yó, tngón ye yóm kum Dwata yó, du se funen yóm klamangen benwu.

Kehewà 9:29 Referans Kwoze

1 Kurin 10:26

Abay se deng monen bè Sulat Dwata, monen, “Yó gónó tekuy mogot hono kun funen yóm klamangen benwu ne yóm kentihen nô tahen.”

Isaya 1:15

Ke sok gel hdà ye hólól ye bè yóm gel kni ye ebéléu, là kô kenmónu kuy. Balù hilu dulék ye mni ebéléu, là kô naw e hnungol kuy, yakà hónô litô tau deng bnonok ye lem yóm hólól hdà ye.

Kem Lingón 143:6

Hdau eta sigelu bè yóm knihu ebéléem. Tey sidek khahuu kóm, mkéle bè yóm tonok mékéng hendeenen héfê bè kulón.

1 Bok Kem Tau Hol Geta 8:38

ne ke mni le béléem yó kem kóm tau lemwót bè yó kem gfà le ne bè yó kem lenangag le, ne ke hdà le sigel le mni ebè yóm gónóem ni,

1 Bok Kem Tau Hol Geta 8:22

Bè yó bè solu yóm kdê tau Israél, mógów ebè yóm gónó gel demsù Selumun ne mdà bè yó, hdaen eta sigelen,

Dwata 10:14

Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

1 Kurin 10:28

Okóm ke wen bè yó tmulón du kóm, monen, “Ó Wè, deng dsù bè dwata kéng nim utón ni.” Ke lómón yó monen, là hyuhen ke fen kenem se kóm. Hol hendemem yóm hyu béléen anì laen dù gónón sbeweg kehedemen.

Kem Lingón 135:6

Gotu nmò Dwata balù kihu nóyô nmoen ditu bè klamangen longit, ne dini te tonok ne lem mohin kkólen bè yóm hol gónón nelem.

Kem Lingón 50:12

Ke bitile, là kóe mni bélê ye ken, yakà dou funen yóm klamangen benwu ne yóm kdê nô lemen.

Kehewà 19:5

Ne ni ke nimón ye ou yóm sana Dwata hol gónó ye mogot, ne ke là klifót ye du yóm deng senfasad tekuy, baling ye mò dou tau. Yóm klamangen benwu, dou funen okóm yu se yó kem dou tau nélék,

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.

Kehewà 20:11

Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.

Kehewà 8:6

Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.