Kehewà 9:27 - Udél Dwata: Gna Kesfasad ne Lomi Kesfasad

²⁷ Omin Faro htaba kul le Musis ne Aron, monen mò kul, “Denge gemsalà ne dou. Tey tedeng yóm kun nmò Dwata okóm yóm dou ne yó kem tauhu, là kô me tedeng.

Kehewà 9:27 Referans Kwoze

Kem Lingón 129:4

Okóm tey hyu yóm Dwata, fen hentohen yóm fét le do yó kem tau gel mò sidek.

2 Tutul Israél 12:6

Bè yóm kungol yóm tau hol geta du ne yó kem genlalen, botong le heglaan bè Dwata, mon le, “Tey tedeng yóm nmò Dwata bélê tekuy ni.”

Kehewà 10:16

Omin Faro kendel bud htaba kul le Musis ne Aron ne monen mò kul, “Denge gemsalà bè Dwata, yóm gónó ye mogot ne denge gemsalà bélê ye snéen.

Kem Lingón 145:17

Tey tedeng yóm Dwata bè kdê gel nmoen. Tódô gotu gfan bè yóm nmoen yó yóm kkoduhen tau.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Matyu 27:4

Mon Judas, “Tey kegsalau. Deng mom hekfóu yóm tau laen kô dù salaen anì hnatay le.” Bnalà le se, mon le, “Laen kô dù bud kum hentngón du ne yóm monem yó. Tódô kóm ne yó.”

Danyél 9:14

Yó se gónó Dwata heglumfak du kum nim glumfak ni, yóm sana kum Dwata hol gónó mogot. Tey tedeng yóm kdê nmoen, ewenem là kô dog olò nimón me du.

Lista 22:34

Ne yó balà Balaam du, monen, “Denge gemsalà bè Dwata. Là kô tngónu du ke mdai bak lan anì nam e henseng o. Okóm ni, ke tngónem là hyuhen ke hlóse, tódóe bud semfulék ebè gónô ne.”

1 Samwél 26:21

Ne yó mon Sol, “Denge gemsalà se ni. Ó ngau Dabid, semfuléki edini. Là bud nifis hnatayu kóm ne, yakà teyen mebtes béléem yóm dou klowil bè nim kdaw ni. Tey ungel yóm nmou béléem. Tey sidek nim nmou ni.”

1 Samwél 15:24

Ne yó udél Sol ebè Samwél, monen, “Denge gemsalà bè Dwata. Là nimónu du yóm hmoen do ne dalang se yóm hloloem do abay se likoe bè yó kem sendalù, tódô lolou yóm kul kóyô.

Kem Lingón 9:16

Tey tótól Dwata bè ktedeng kkukumen. Yó kem tau mò sidek, gholot le bè yóm sidek nmò le.

1 Samwél 15:30

Bnalà Sol, monen, “Denge gemsalà. Okóm yake htonem yóm kadatem do bè solu yó kem tmuha gel malak ne bè solu yó kem tau Israél. Mungi do mulék anì bud te tmaba ebè yóm sana kóm Dwata hol gónó mogot.”

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 8:25

Omin Faro bud htaba kul le Musis ne Aron ne monen mò kul, monen, “Lemwót ye ne, na ye e demsù ebè yóm kuy Dwata bede bè ni bè nim benwu ni gónó ye mò du.”

Kehewà 10:17

Ni hol bud hnifót ye ou sulék, ne mni ye bè yóm kuy Dwata hol gónó mogot anì kóhen béléu nim tey tafaken do gónó matay ni.”

Lista 21:7

Ne bud le mógów ebè Musis yó kem tau ne mon le mò du, “Deng me gemsalà bè Dwata ne béléem lemwót bè yó kem tey dê udél me eta ye. Bede holi mni kum bè Dwata anì kóhen lu ni kem ulal ni.” Tahu se, mni bélê le bè Dwata Musis.

Juswa 7:20

“Tahu se yó,” mon Akan, “denge gemsalà bè Dwata yóm Dwata hol gónó tekuy mogot kem tau Israél.

2 Samwél 12:13

Yó udél Dabid ebè Natan, monen, “Denge gemsalà bè Dwata.” Ne yó mon Natan mò du, “Tahu se, bede deng hnifót Dwata uu, là kói matay.