Kehewà 9:26 - Udél Dwata: Gna Kesfasad ne Lomi Kesfasad

²⁶ Són benwu Gusén, yóm benwu bè Idyip gónó le nô yó kem tau Israél, gónón laen dù bulók kulón.

Kehewà 9:26 Referans Kwoze

Kehewà 11:7

Okóm yó kem tau Israél tey menek bélê le balù ohu là kô le mbak. Bè nim nmou ni mò gónón gfan ou se yóm Dwata semtólóng yó kem tau Idyip bè yó kem tau Israél.’ ”

Kehewà 10:23

Yó kem tau Idyip, là kô le bud ston ne balù sotu tau ke gtebelen gónóen bè yó kem kdaw yó. Okóm kul yó kem tau Israél wen layag bè yóm kul gónó nô.

Kehewà 9:4

Bè yóm nmou ni mò gónón gfan yóm kestólóngu yó kem kul ógóf yó kem tau Israél bè yó kem kul ógóf yó kem tau Idyip. Yóm kul ógóf yó kem tau Israél, balù sotu ke wen matay bélê le.

Kehewà 12:13

Yóm litô nô bè hehek yóm bak dól ye mò ilô yóm gónô gónó ye nô. Bè yóm kógówu, ke tonu yóm litô yó tódóe mius. Là kô naw e hensidek kuy bè yóm ktafaku yó kem tau Idyip.”

Kehewà 9:6

Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.

Amus 4:7

“Là kô hkulónu du bè yóm kdaw alì kwen muhen bè yó kem hulu ye ne gotu sidek yó kem hulu ye. Deng hkulónu bè yóm sotu syudad, okóm là hkulónu du bè yó kem dumu syudad. Kmulón ebè sotu tonok gónó mò hulu, fen là bè yó kem dumuhen, hlós tódô mékéng.

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’