Kehewà 9:25 - Udél Dwata: Gna Kesfasad ne Lomi Kesfasad

²⁵ Tbó bè klamangen Idyip yóm tey bulók kulón yó bè kdê yó kem nô bè lewà le gomong tau ne kem ógóf le. Ne yó kem hulu le gotu le megfuk ne yó kem koyu gotu le tfok.

Kehewà 9:25 Referans Kwoze

Kem Lingón 78:47

Gotu hensideken yó kem bungu grép le hlanen bè yóm tey bulók kulón. Ne gotu hensideken snéen kdê yó kem koyu sikamor le hlanen bè yóm kulón gedlug ketnawen.

Kehewà 9:19

Ne ni, mdóki kem tau anì hefgolungem kul yó kem ógófem ne kdê yó kem kimuhem nô bè lewà, abay se angat tbó eta kem tau ne eta yó kem ógóf nô bè lewà yóm tey bulók kulón ne bè yó gónó le gotu matay.’ ”

Kehewà 9:24

Hetbó Dwata yóm tey bulók kulón mung du yóm silà tendo mkal. Ni he yóm tey bulók kulón ne silà là deng hnikót glumfak le du lemwót bè kbut yóm benwu le.

Kem Lingón 78:48

Gotu hfatayen snéen yó kem safì le mlan bè yóm bulók kulón yó, ne hekfóen leték yó kem dumu ógóf le.

Kehewà 9:6

Tahu se. Timbow hayahen bè yó, tey wen mlef bè yó kem kul ógóf yó kem tau Idyip lómón yóm deng mon Dwata. Okóm yóm kul ógóf yó kem tau Israél, balù sotu ke wen matay bélê le.

Juswa 10:11

Bè yóm igò le mlóy mosol yó kem tau Amurayt, yó nmò Dwata hetbóhen eta le yóm tey bulók kulón. Ngangen hetbó du eta le efet le kól ditu bè benwu Asika. Tey dê bélê le matay bè bulók kulón senta yóm kul hnatay yó kem tau Israél.