Kehewà 9:23 - Udél Dwata: Gna Kesfasad ne Lomi Kesfasad

²³ Tahu se, tayal Musis eta bè longit tugeden ne sen-geng Dwata se heték du ne hetbóhen yóm hol tey bulók kulón ne tey leték kemfô gu talak tonok.

Kehewà 9:23 Referans Kwoze

Kem Lingón 18:13

Heték Dwata gu bè longit, mensag yóm Dwata hol dandónen geta.

Juswa 10:11

Bè yóm igò le mlóy mosol yó kem tau Amurayt, yó nmò Dwata hetbóhen eta le yóm tey bulók kulón. Ngangen hetbó du eta le efet le kól ditu bè benwu Asika. Tey dê bélê le matay bè bulók kulón senta yóm kul hnatay yó kem tau Israél.

Deng Hegfan 8:7

Ne mféw yóm tanayen. Sennganen se mulók kulón ne ofi nbol litô tódô htantang ete tonok. Botong gbut gónón mlób tonok, ne gbut se bè yó kem koyu. Ne kentihen yó kem bnes, tódô gotu mlób.

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

Kem Lingón 77:18

Lel ni letékem mkal lem klifus bong. Hlayagen klamangen benwu yóm tey kal silaem. Lemwót bè yóm tey linol bong, botong megsinsig tonok.

Kem Lingón 29:3

Yóm kudél Dwata, gungolem gu ta mohin. Ne heték yóm Dwata alì geta. Yóm udélen lemungkul gu ta yóm tey lewók mohin.

Deng Hegfan 16:21

Ne tey bulók kulón lembang btang gu bè longit, na limu folò kilu keblat le. Gotu le btang eta yó kem tau. Ya tey sidek kehtolo le ke Dwata lemwót bè nim tey bulók kulón alì hmayam kul ni.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Deng Hegfan 16:18

Tódô sen-gengen se mkal yóm tey silà, lel yóm tey lungkul lugung, ne yóm tey leték, ne tey linol bong. Nim linol ni, là deng wen semnged du he mbut bè hol kbut tau te tonok. Ni se hol yéen linol bong.

Tekang Kbuten 19:24

Omin Dwata yó hkulón du ofi nbol kbuda eta Sodom ne Gomora.

Kehewà 9:18

Hlafus haya lómón ni uras, hetbóhu yóm tey bulók kulón, yóm bulók kulón là deng hnikót ton kem tau Idyip du lemwót bè kbut yóm benwu le.

Kehewà 9:24

Hetbó Dwata yóm tey bulók kulón mung du yóm silà tendo mkal. Ni he yóm tey bulók kulón ne silà là deng hnikót glumfak le du lemwót bè kbut yóm benwu le.

Kem Lingón 147:17

Hebtangen bulók kulón etalak tonok, lómón ktudaen botu lemnek. Laen dù tau gembek hembala du yóm alì ksidek ketnawen.