Kehewà 9:18 - Udél Dwata: Gna Kesfasad ne Lomi Kesfasad

¹⁸ Hlafus haya lómón ni uras, hetbóhu yóm tey bulók kulón, yóm bulók kulón là deng hnikót ton kem tau Idyip du lemwót bè kbut yóm benwu le.

Kehewà 9:18 Referans Kwoze

Kem Lingón 83:15

gotu lohem lu, hógówem ebélê le yóm tey lenos alì kemgis mò hmikò kul.

2 Bok Kem Tau Hol Geta 7:1

Bnalà Ilaysa yóm tau hol geta, monen, “Hol hnungol ye yóm udél lemwót bè Dwata. Yó udélen, monen, Haya lómón ni kmò kdaw, gbek ye ne bemli bè bak tikeb Samarya sgantang arina alì hyu bè tek sotu blówón bukay btesen, senged snéen bè yóm lewu gantang halay barli, bud sotu blówón bukay btesen.”

1 Bok Kem Tau Hol Geta 19:2

Omin Jisébél hemwit udél ebè Ilaydya, monen, “Ke là bud nmou du béléem se kóm yóm deng nmoem bè yó kem tugod Baal, hol hnatay le o he yó kem dwata lennged ke là dengi matay lómón ni kdaw haya.”

2 Bok Kem Tau Hol Geta 7:18

Yakà deng tehe mon Ilaysa du mò yóm tau hol geta, “Haya lómón ni kmò kdaw gbek ye bemli bè bak tikeb Samarya sgantang arina alì hyu, ne tek sotu blówón bukay btesen, senged se yóm lewu gantang halay barli, bud sotu blówón bukay btesen.”

Deng Hegfan 16:21

Ne tey bulók kulón lembang btang gu bè longit, na limu folò kilu keblat le. Gotu le btang eta yó kem tau. Ya tey sidek kehtolo le ke Dwata lemwót bè nim tey bulók kulón alì hmayam kul ni.

Kehewà 9:17

Okóm sana tolo kehegmónem ne là kói móyô hewót kul yó kem dou tau.

Job 38:22

Deng nauyem kô yó kem gónô gónóhu hemsù snu ne bulók kulón? Deng eles henyuhu yóm yó mò tgamahu bè yóm kdawen wen gfà tau te tonok, duhen yóm kdawen wen sgida.

Kehewà 10:6

Tódô tfeng tlangas lem gónô bongem ne lem gónô yó kem genlalem ne lem gónô yó kem tauhem. Tey gedlug kwen le senta yó kem tlangas deng tehe ton yó kem fù ye ekni.’ ” Timbow deng kudél Musis, ominen beklil mulék.

Kehewà 10:14

Tódô le gotu lememek bè klamangen Idyip. Ni se yóm tey tlangas là deng wen hnikót mton du ne laen dù bud mton du elem hulihen.

Kehewà 11:6

Tey wen demumu mkik bè klamangen Idyip, ne langat là deng sulék gungolem du ne là bud gungolem du ne elem hulin kdaw.

Job 38:23

Deng eles henyuhu yóm yó mò tgamahu bè yóm kdawen wen gfà tau te tonok, duhen yóm kdawen wen sgida.