Kehewà 9:16 - Udél Dwata: Gna Kesfasad ne Lomi Kesfasad

¹⁶ Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Kehewà 9:16 Referans Kwoze

Sulat Pol Ebè Yó Kem Tau Hemtahu Bè Rom 9:17

Lómón yóm tehe kélék Dwata yóm sotu tau hol geta bè Idyip ekni. Tehe mon Dwata mò du, monen, “Lemwót béléu yóm kegetahem mogot benwu anì angat gfan béléem yóm dou kegbek, ne anì glalag bè klamangen benwu yóm dou boluy.”Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Kem Lingón 64:9

Angat le gotu likò yóm kdéen tau, ne gotu tulón le yó kem tey genbek deng nmò Dwata, ne sónmò le hemdem du yó kem deng gendengen.

1 Tutul Israél 16:24

Hol heglalag tekuy bè yó kem tau bè dumu benwu yóm tey keklóón yóm nmoen. Ne hol tulón tekuy bè kdéen tau yóm tey hentaw ton gel nmoen.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Sulat Jud 1:4

Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.

1 Pitér 2:8

Ne wen sotu monen bè Sulat Dwata, yó monen, “Yó se yóm botu angat geslob yó kem tau, ne hlós le tlokob du.” Tahu se yóm yó. Tlokob le du lemwót bè yóm là kimón le du yóm Udél Dwata. Tu se tehe eles olu Dwata ebè yó kem tau là mimón le.

Sulat Pol Ebè Yó Kem Tau Hemtahu Bè Rom 9:22

Senged se bè Dwata, ke kun kóyô htonen yóm tey kebuten ne yóm kegbeken bè yó kem tau gel mulé du, duhen ke nan bud hanay nawahen ebélê le, balù yóm deng kegtuled le.

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Kehewà 18:11

Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

1 Pitér 2:19

Abay se tey któbóng Dwata kuy ke hol henbala ye yóm sidek gel nmò le bélê ye hkawang. Yó gónó ye gembek hembala du, abay se là kóen mkó bè nawa ye yóm kun kóyô Dwata.

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

1 Samwél 4:8

Hatay tekuy. Tau du se tô gembek lemwà tekuy lem tdok yó kem dwata laen dù là gbeken du yó? Ni se yó kem dwata tehe heglumfak yó kem tau Idyip yóm tey glumfak mit hatay bè yóm tehe knô kem tau Israél bè yóm benwu laen hol wen tauhen.

Kehewà 9:15

Ke deng tehe tayalu eta sigelu deng genlau u ne dalang se yó kem tauhem mlan bè des mekto.

Kehewà 9:17

Okóm sana tolo kehegmónem ne là kói móyô hewót kul yó kem dou tau.

Nihimaya 9:10

Wen kem tey knikò tehe nmoem bè yóm tau hol geta bè Idyip ne bè yó kem genlalen dalang se bè yó kem tauhen abay se deng eles tngónem yóm tey kehegnok le yó kem tauhem yó kem tau Idyip. Lemwót bè yóm kegmoem, Dwata, yó se gónóm tótól efet yóm kmoen ni.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Kem Lingón 106:8

Baluen ke lómón yó nmò le, sana kehewaen kul, lanen dmohò yóm deng tehe fasaden kul, ne mò gónón hegfan yóm tey kfasangen.

Jirimaya 32:20

Bè yóm gnan kdaw, tey wen yó kem hentaw ton tehe nmoem bè yó bè Idyip. Ne efet yóm kmoen ni tendo wen gel nmoem bè ni bè benwu Israél dalang se bè yóm kdê dumu benwu bè klamangen. Yó gónóm mon, tey tótól yóm kóm boluy efet yóm kmoen ni.

Lista 14:21

Okóm ni eles tulónu kóm ne là kóen na a bud mulék elem baku nim monu ni. Tahu se yóm klaen dù sónen yóm klowilu ne bud tahu se yóm tendo kegfanen bè klamangen benwu yóm tey kegetahu.

Juswa 4:24

Yó gónó Dwata mò du nim ni anì tódô kdéen tau talak tonok gotu temngón du yóm tey kfasangen ne anì wen hol klikò ye du se kuy yóm kuy Dwata hol gónó mogot laen dù tul sónen.”

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

2 Bok Kem Tau Hol Geta 19:35

Bè yóm kifu yó, wen hógów Dwata gu bè longit ebè kamfù yó kem tau Asirya, botong lematu wolu folò limu libuhen tau hnatayen. Bè yóm kebtik le hlafus yó kem sendalù Asirya dù mowil, ton le deng tódô hgasà tau matay bè klamang kamfù le.