Kehewà 9:14 - Udél Dwata: Gna Kesfasad ne Lomi Kesfasad

¹⁴ Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

Kehewà 9:14 Referans Kwoze

Kehewà 8:10

Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.

Deng Hegfan 22:18

Ou se Jan, wen hetgamahu kuy yu kem tau hmungol du yóm deng eles tulónen bè nim bok ni. Ke wen tau temnù du, angat tennù Dwata béléen yó kem hlayam deng snulat bè nim bok ni bè yóm angat ktafaken du.

Deng Hegfan 18:8

Lemwót bè yóm tey kehegmónen yó, tódô segeng ksuten béléen bè yóm sotu kdaw yóm gónón glayam. Ne tey wen desen, ne tey dê knangagen, lel tey bitil bong. Ngangen mò du efet deng mom mlób bè ofi. Yó gónón alì megtafak, abay se alì mfasang yóm kmukum du, duhen Dwata yóm gónó tekuy mogot.”

Jirimaya 19:8

Angat tey sidek kegbau du yóm syudad Jirusalim. Lemwót bè yóm alì kegbaen, ya tey sidek ketnga yó kem tau mlan bè yó ne tey khisik le du.

Jirimaya 10:6

Ó Dwata, laen kô dù semnged kóm. Laen kô dù là gbekem du ne tey mfasang yóm boluyem.

Isaya 46:9

Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.

Kem Lingón 86:8

Laen kô dù dwata kéng gemsenged kóm, Dwata. Laen dù bélê le gembek mò hentaw ton lómón yóm kóm.

1 Tutul Israél 17:20

Ó Dwata, laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm.

1 Bok Kem Tau Hol Geta 8:38

ne ke mni le béléem yó kem kóm tau lemwót bè yó kem gfà le ne bè yó kem lenangag le, ne ke hdà le sigel le mni ebè yóm gónóem ni,

2 Samwél 7:22

Teyi mfasang Dwata, uu se yóm Dwata hol dandónen geta. Laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm. Tek sónen u yóm deng hol kum klingu mungol du.

1 Samwél 4:8

Hatay tekuy. Tau du se tô gembek lemwà tekuy lem tdok yó kem dwata laen dù là gbeken du yó? Ni se yó kem dwata tehe heglumfak yó kem tau Idyip yóm tey glumfak mit hatay bè yóm tehe knô kem tau Israél bè yóm benwu laen hol wen tauhen.

Kehewà 9:15

Ke deng tehe tayalu eta sigelu deng genlau u ne dalang se yó kem tauhem mlan bè des mekto.

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Isaya 45:5

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Jirimaya 10:7

Tau du se là likò kóm, igoen uu yóm hol geta bè klamangen. Uu se yóm hol knóón bang gónó likò. Bè yó kem tau alì temngón bè klamangen benwu laen kô dù tau semnged kóm. Ne laen kô dù bè yó kem tau hol geta mogot kul ke semnged kóm.

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Kehewà 8:6

Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.