Kehewà 9:12 - Udél Dwata: Gna Kesfasad ne Lomi Kesfasad

¹² Okóm hgel Dwata kulu Faro. Là kô nan e hnungol kul le Musis ne Aron lómón yóm deng tehe mon Dwata.

Kehewà 9:12 Referans Kwoze

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Kehewà 7:4

Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kehewà 10:1

Omin Dwata bud mudél ebè Musis, monen, “Budi lemwót nam e bud ston ke Faro. Deng hgelu kuluhen dalang se kulu yó kem genlalen mò gónóhu hegfan ni kem hentaw ton nmou ni

Kehewà 10:20

Okóm sana tolo kehgel Dwata kulu Faro, yó gónón là hewót kul yó kem tau Israél.

Kehewà 11:10

Tahu se, gotu nmò le Musis ne Aron bè solu Faro yó kem hentaw ton hmò Dwata kul yó, okóm sana tolo kehgel Dwata kulu Faro anì là kô hewóten kul bè yóm kun benwu yó kem tau Israél.

Kehewà 14:8

Tey kehgel Dwata kulu Faro, yó gónón kemtes yó kem tau Israél balù yóm tey kofin Dwata kul bè kewót le.

Kehewà 9:7

Snólók Faro nim ni ne tulón le du balù sotu ke wen matay bè kul ógóf yó kem tau Israél. Bede bud senged snéen, sana tolo tey kgel kuluhen, là kô bayaen kul yó kem tau Israél.