Kehewà 9:10 - Udél Dwata: Gna Kesfasad ne Lomi Kesfasad

¹⁰ Tahu se, ma le kohù le Musis ne mdà le bè solu Faro. Omin Musis smohul du eta yóm kohù yó ne gotu le hnisa yó kem tau ne yó kem ógóf le ne baling mgas bè lówó le.

Kehewà 9:10 Referans Kwoze

Dwata 28:27

Angat wen tey hisa hwit Dwata ebélê ye lómón yóm deng tehe nmoen bè yó kem tau Idyip. Yóm lówó ye, tódô tfeng mgas ne tey sidek kketelen. Ne laen kô dù bulung gembek hkó du yóm des yó.

Kehewà 9:8

Yó bud mon Dwata mò ke Musis ne Aron, “Ma ye ket kuy skuf kohù bè kohù ye. Ke deng ye kól bè solu Faro, sohul Musis eta yóm kohù yó bè yóm igò Faro temngel.

Kehewà 9:9

Gotu holis lómón yóm kholis kfung bè klamangen Idyip ne bè ni gónón lemwót hnisa yó kem tau bè klamangen Idyip dalang se yó kem dù ógóf le. Ne yóm hisa le yó tódô hlós baling mgas bè lówó le.”

Kehewà 9:11

Yó kem tau demwata, là kô le bud hegfan ebè le Musis, bà mon tódô tfeng lówó le hisa lómón yóm kul hisa yó kem dumu tau Idyip.