Kehewà 8:9 - Udél Dwata: Gna Kesfasad ne Lomi Kesfasad

⁹ Bnalà Musis se, monen, “Teye hligal mni béléem. Tulónem dou ke kdaw du yóm naw e kni béléem bè Dwata dalang se bè yó kem genlalem ne bè yó kem tauhem anì yó, gotu le mdó ni kem tey fak ni ne són ditu bè él Nayl ne gónóm bud mton kul.”

Kehewà 8:9 Referans Kwoze

Isaya 10:15

Okóm yó bud udél Dwata, monen, “Gbek yóm beyung kô hegeta bè yóm tau mogot du? Ne yóm legadì, bong muhen kô kun senta yóm tau lemgadì? Ne yóm bogul, gbeken kô kmayang yóm tau mogot du? Là kô yó du. Kaem tau dé kmayang yóm bogul.”

1 Bok Kem Tau Hol Geta 18:25

Omin Ilaydya mon du bè yó kem tugod Baal, “Yu gna, abay se tey ye wen. Mélék ye sotu bè yóm lewu kem safì tudu yó ne hnatay ye, ne gotu henek ye ne hlasà ye ta yóm gónó ye gel demsù, ne omin ye tmaba bè boluy yóm kuy dwata. Okóm bê ye abay hentom ofi yóm snuken.”

Kmukum 7:2

Yó mon Dwata mò ke Gidyun, yóm sana kul Dwata hol gónó mogot, “Tey alì gedlug kwen le yó kem tauhem mò mit sgida bè yó kem tau Midyan. Ke hlusu lu sgida yóm kdê le ne ke deng hegmou lu déke mom le heklabak, ofo kul ke lemwót bè kul kgis yóm kegmò le.

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 8:10

Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.

Kehewà 7:25

Hitu kdawen miwes kogol yóm gotu kehbaling Dwata du litô yóm él mlel yó.

Kehewà 8:11

Yó kem fak són ditu gónóm mton kul bè él Nayl, mdó le béléem bè ni ne bè yó kem genlalem dalang se bè yó kem tauhem.”

Lista 14:20

Yó balà Dwata du yóm hni Musis yó, monen, “Yó ne, hnifótu lu, tódô nmungu bè yóm deng hnihem béléu.