Kehewà 8:8 - Udél Dwata: Gna Kesfasad ne Lomi Kesfasad

⁸ Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 8:8 Referans Kwoze

Kehewà 10:17

Ni hol bud hnifót ye ou sulék, ne mni ye bè yóm kuy Dwata hol gónó mogot anì kóhen béléu nim tey tafaken do gónó matay ni.”

Kehewà 9:28

Hol ye mni kum bè Dwata. Geblaen ni ne yóm tey leték ne nim tey bulók kulón ni. Ni fasadu kuy, hewótu yu ne là bud nalihu kuy bè ni ne.”

1 Bok Kem Tau Hol Geta 13:6

Yó mon yóm tau hol geta bè yóm tau Dwata, “Ni hkoduhe béléem, mnihi do bè yóm sana kóm Dwata hol gónó mogot anì bud mulék hyu nim sigelu.” Tahu se, mni bè Dwata yóm tau Dwata yó, ne mulék hyu se yóm sigel yóm tau hol geta yó.

Lista 21:7

Ne bud le mógów ebè Musis yó kem tau ne mon le mò du, “Deng me gemsalà bè Dwata ne béléem lemwót bè yó kem tey dê udél me eta ye. Bede holi mni kum bè Dwata anì kóhen lu ni kem ulal ni.” Tahu se, mni bélê le bè Dwata Musis.

Kul Nmò 8:24

Omin Simun mon du mò kul le Pitér ne Jan, “Hol hni ye se o bè Dwata anì là suten béléu yóm monem yó.”

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

1 Samwél 12:19

Yó udél le hkodu bè Samwél yóm kdê le, mon le, “Mnihi bélê me bè yóm sana kóm Dwata hol gónó mogot anì là matay me. Yakà deng mom bud tennù me yóm kdê salà me lan me mni bè Dwata tau hol geta mò malak kum.”

Kehewà 14:5

Timbow tulón le ke Faro yóm deng gotu kehewà yó kem tau Israél, bud megetles kehedemen dalang se yó kem genlalen, yó mon le, “Tedum deng nmò kuy ni du? Mom hewót tekuy lu yó kem tau Israél ne ni laen dù bud hesek tekuy.”

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Kehewà 8:9

Bnalà Musis se, monen, “Teye hligal mni béléem. Tulónem dou ke kdaw du yóm naw e kni béléem bè Dwata dalang se bè yó kem genlalem ne bè yó kem tauhem anì yó, gotu le mdó ni kem tey fak ni ne són ditu bè él Nayl ne gónóm bud mton kul.”

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kehewà 8:29

Mon Musis se, “Bè nim kewótu ni mnihe béléem bè Dwata anì yó, haya tnagak le u yó kem lenged, tnagak le yó kem genlalem ne yó kem tauhem. Okóm hol béem bud tundug mi ne béem abay nali yó kem tau anì na le e demsù ebè Dwata.”

Kehewà 8:32

Okóm balù wen ni kem ni he, sana tolo tey kgel kulu Faro. Là kô bayaen kul yó kem tau Israél.

Kehewà 9:27

Omin Faro htaba kul le Musis ne Aron, monen mò kul, “Denge gemsalà ne dou. Tey tedeng yóm kun nmò Dwata okóm yóm dou ne yó kem tauhu, là kô me tedeng.

Kehewà 10:16

Omin Faro kendel bud htaba kul le Musis ne Aron ne monen mò kul, “Denge gemsalà bè Dwata, yóm gónó ye mogot ne denge gemsalà bélê ye snéen.

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

Kehewà 10:18

Omin Musis tmagak ke Faro ne mni bè Dwata.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.