Kehewà 8:6 - Udél Dwata: Gna Kesfasad ne Lomi Kesfasad

⁶ Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.

Kehewà 8:6 Referans Kwoze

Kem Lingón 105:30

Bud sotuhen bè yó, tódô hetfeng Dwata fak klamang benwu le. Balù yóm hol gónón nô yóm tau hol geta, tódô hono fak.

Kem Lingón 78:45

Yóm tehe keheglumfaken du bélê le yó kem tey lenged wen mò hmayam kul, ne yó kem tey fak wen mò gemlà kul.

Deng Hegfan 16:13

Ominu yó tódô mton yó kem tlu busaw alì sidek halas le, hol lómón ke fak ktonu kul. Hesut le gu lem bak yóm swaga, ne gu lem bak yóm lóbô tanay sut, ne gu lem bak yóm fen tmugod kul.

Kehewà 7:19

Yó bud mon Dwata mò ke Musis, “Bè yóm kógów ye haya ebè Faro, dókem Aron anì tayalen eta tugeden ebè kdéen él bè Idyip ne eta yó kem kanal él ne yó kem busung, anì gotu baling litô yó kem él yó. Tódô hono litô yóm él bè klamang yóm benwu yó, balù yóm él nô lem kobong le ne lem lebwón le, gotu baling litô.”

Kehewà 9:14

Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

Kehewà 9:29

Mon Musis se mò du, “Bè yóm kehewau bè nim syudad ni, hdau eta sigelu ne mnihe bè yóm sana kum Dwata hol gónó mogot. Tódô hotok yóm leték ne laen se dù bud bulók kulón anì yó, tngón ye yóm kum Dwata yó, du se funen yóm klamangen benwu.

Kehewà 10:2

ne anì wen angat tulónem bè yó kem ngaem ne bè yó kem téméem yóm klaen dù gmò le yó kem tau Idyip bè yóm kmou du lem blóng le yó kem tey hentaw ton. Ne bè yó gónó ye temngón du yóm kdê ye ou se yóm sana Dwata hol gónó mogot.”

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Dwata 32:31

Okóm yóm kul dwata yó kem hohon tekuy, là mkélen bè yóm kut Dwata kem tau Israél. Deng eles tngón yó kem hohon tekuy ne yóm yó.

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

2 Samwél 7:22

Teyi mfasang Dwata, uu se yóm Dwata hol dandónen geta. Laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm. Tek sónen u yóm deng hol kum klingu mungol du.

2 Tutul Israél 6:14

Ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

Kem Lingón 86:8

Laen kô dù dwata kéng gemsenged kóm, Dwata. Laen dù bélê le gembek mò hentaw ton lómón yóm kóm.

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,