Kehewà 8:28 - Udél Dwata: Gna Kesfasad ne Lomi Kesfasad

²⁸ Yó mon Faro, “Ke là kat ye hlayuk, hlusu yu anì na ye e demsù ebè yóm kuy Dwata hol gónó mogot bè yóm benwu laen hol wen tauhen. Holi mni béléu bè Dwata.”

Kehewà 8:28 Referans Kwoze

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 9:28

Hol ye mni kum bè Dwata. Geblaen ni ne yóm tey leték ne nim tey bulók kulón ni. Ni fasadu kuy, hewótu yu ne là bud nalihu kuy bè ni ne.”

1 Bok Kem Tau Hol Geta 13:6

Yó mon yóm tau hol geta bè yóm tau Dwata, “Ni hkoduhe béléem, mnihi do bè yóm sana kóm Dwata hol gónó mogot anì bud mulék hyu nim sigelu.” Tahu se, mni bè Dwata yóm tau Dwata yó, ne mulék hyu se yóm sigel yóm tau hol geta yó.

Kul Nmò 8:24

Omin Simun mon du mò kul le Pitér ne Jan, “Hol hni ye se o bè Dwata anì là suten béléu yóm monem yó.”

Isra 6:10

Yó gónóhu hmò du kuy nim ni anì gbek le demsù du bè yóm Dwata bè longit yó kem dsù hol nóyóen, anì yó homong hni le o bè yóm kul Dwata dalang se yó kem ngau logi anì nuyagen mi.

Kehewà 10:17

Ni hol bud hnifót ye ou sulék, ne mni ye bè yóm kuy Dwata hol gónó mogot anì kóhen béléu nim tey tafaken do gónó matay ni.”

Kehewà 8:29

Mon Musis se, “Bè nim kewótu ni mnihe béléem bè Dwata anì yó, haya tnagak le u yó kem lenged, tnagak le yó kem genlalem ne yó kem tauhem. Okóm hol béem bud tundug mi ne béem abay nali yó kem tau anì na le e demsù ebè Dwata.”

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Jirimaya 42:2

Jirimaya yóm tau tugod Dwata. Yó mon le mò du, “Holi mni kum bè yóm sana kut Dwata hol gónó mogot. Tonem ni là kô tekuy hol bud wen. Là mkélen bè yóm gnan, tehe tey kwen tekuy.

Kehewà 3:19

“Okóm,” mon Dwata, “deng eles tngónu là kô bayà Faro kuy ke là hol gnagahu du.

Kehewà 7:13

Bede ke Faro, sana tolo tey kgel kuluhen. Là kô nan e hnungol kul le Musis ne Aron, hol lómón yóm deng mon Dwata.