Kehewà 8:27 - Udél Dwata: Gna Kesfasad ne Lomi Kesfasad

²⁷ Là gbek me mò du ke là tlu kdaw me du mógów elem yóm benwu laen hol wen tauhen anì ne me e demsù bè yó bè yóm sana kum Dwata hol gónó mogot, lómón yóm deng monen mò kum.”

Kehewà 8:27 Referans Kwoze

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Hlolò 10:1

Wen bè yó kem ngà Aron logi boluy le Nadab ne Abihu. Sotu kdaw bè yóm knô le bè yóm Gónô Dwata gel nit le mógów, sket le ma yóm gónó le gel hemsù ofi ne hensù le bala ofi lemen, omin le mulus du insinsu lem yóm bala ofi yó ne omin le mit du ditu bè Dwata. Okóm yóm ofi yó, ofi lenbù nmò abay se là hmò Dwata du kul.

Kehewà 34:11

Yó kuy fasad do, hol nimón ye yó kem hlauhu kuy kemdaw ni. Bè yóm kógów ye elem yóm benwu deng tehe fasadu kuy angat gotu hdóhu lu yó kem tau Amurayt ne yó kem tau Kananayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 10:26

Gotu nwit me lu, balù sotu ke wen tebel bélê le. Tódô mi mélék du yóm ógóf mò dsù me ebè yóm kum Dwata. Gu laan me là deng kól ditu là deng tngón me du he yóm ógóf mò dsù me ebéléen.”

Kehewà 5:1

Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Kehewà 5:3

Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”