Kehewà 8:23 - Udél Dwata: Gna Kesfasad ne Lomi Kesfasad

²³ Bè nim angat nmou ni, mò gónón gfan yóm kestólóngu yó kem dou tau bè yó kem tau Idyip. Haya ksuten nim tey hentaw ni.’ ”

Kehewà 8:23 Referans Kwoze

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.

Kehewà 8:24

Tahu se hayahen bè yó, tódô kmifu lenged hwit Dwata ebè gónô bong yóm Faro ne ebè gónô yó kem genlalen. Tódô hono lenged bè klamangen Idyip, gotu hensidek le yóm benwu yó.

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Kehewà 9:5

Ou se yóm Dwata deng muteng du ne haya kmou du yóm ni.’ ”

Kehewà 10:4

Ke là bud hewótem kul, haya wen kem tlangas hwitu elem nim benwuhem.

2 Bok Kem Tau Hol Geta 7:1

Bnalà Ilaysa yóm tau hol geta, monen, “Hol hnungol ye yóm udél lemwót bè Dwata. Yó udélen, monen, Haya lómón ni kmò kdaw, gbek ye ne bemli bè bak tikeb Samarya sgantang arina alì hyu bè tek sotu blówón bukay btesen, senged snéen bè yóm lewu gantang halay barli, bud sotu blówón bukay btesen.”