Biblia Todo Logo
Bib sou entènèt

- Piblisite -




Kehewà 8:20 - Udél Dwata: Gna Kesfasad ne Lomi Kesfasad

20 Yó bud mon Dwata mò ke Musis, “Holi hlafus haya anì nam e senlong Faro bè yóm kógówen ebè él. Tulónem du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Gade chapit la Kopi




Kehewà 8:20
11 Referans Kwoze  

Yó gónóm mon, hlafus haya senlongem Faro bè yóm kógówen ebè él Nayl. Nwitem yóm tuged deng tehe baling ulal ne nangatem ditu bè kilil yóm él yó.


Yó bud mon Dwata mò ke Musis, “Hol hlafus haya budi mógów ebè Faro, bud tulónem du, monem, ‘Yó udél yóm sana kul Dwata yó kem tau Hibru yóm hol gónó mogot, monen, Hol hewótem lu ne yó kem dou tau anì na le e tmaba ebéléu.


Omin Dwata bud mon du mò ke Musis, “Budi mógów dou ebè Faro ne monem mò du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.


Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”


Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen.


Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”


Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”


Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”


Ni eles monu mò kóm ke là hewótem kul, tnafaku u mlan bè kehwitu ebéléem yó kem tey lenged wen dalang se ebè yó kem genlalem ne ebè yó kem tauhem. Angat tódô hono lenged lem gónô yóm kdéen tau bè Idyip. Yóm tonok bè klamang benwu le angat tódô hono lenged.


Yóm tehe keheglumfaken du bélê le yó kem tey lenged wen mò hmayam kul, ne yó kem tey fak wen mò gemlà kul.


Bud lemwót bè udél Dwata, tódô tfeng lenged ne lifet bè klamangen benwu le.


Swiv nou:

Piblisite


Piblisite