Kehewà 8:18 - Udél Dwata: Gna Kesfasad ne Lomi Kesfasad

¹⁸ Lemwót yó kem tau gel demwata, tô nmò le se kul okóm là kô gmò le du. Tey lifet wen bè klamangen Idyip

Kehewà 8:18 Referans Kwoze

Kehewà 7:11

Okóm yó nmò Faro, htabahen yó kem tau hulung hmau bélê le ne yó kem tau demwata ne bud nmò le se kul yóm nmò Aron yó.

Kehewà 9:11

Yó kem tau demwata, là kô le bud hegfan ebè le Musis, bà mon tódô tfeng lówó le hisa lómón yóm kul hisa yó kem dumu tau Idyip.

Danyél 5:8

Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Kun Snulat Luk 10:18

Mon Jisas se kun, “Tódô tonu Seitan lómón tô silà yóm kehebtangen gu bè longit.

Danyél 4:7

Tikóng le gdek yó kem tau demwata ne yó kem tau mton bù ne yó kem tau gel hemgawang tulónu kul yóm knahu, okóm là gbek le tmulón du dou yóm hnigaden.

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Kehewà 7:12

Bot le yóm kul tuged ne bud baling ulal. Okóm yóm kun tuged Aron, mom hlohen yóm kul.

Kehewà 8:7

Ne lemwót yó kem tau gel demwata, gotu bud nmò le se kul yóm yó ne tódô hesut ete kembu yó kem tey fak.

Kehewà 10:23

Yó kem tau Idyip, là kô le bud ston ne balù sotu tau ke gtebelen gónóen bè yó kem kdaw yó. Okóm kul yó kem tau Israél wen layag bè yóm kul gónó nô.