Kehewà 8:15 - Udél Dwata: Gna Kesfasad ne Lomi Kesfasad

¹⁵ Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kehewà 8:15 Referans Kwoze

Isaya 26:10

Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Hibru 3:15

Wen yóm monen bè Sulat Dwata, yóm monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón, lómón yóm deng tehe nmò yó kem fù ye bè yóm tehe là kehdon le ke Dwata.”

Hibru 3:8

hol bê ye abay là himón, lómón yóm deng tehe nmò yó kem fù ye bè yóm tehe là kehdon le ke Dwata. Là kô le himón bè yóm tehe knô le bè yóm benwu là hyu menwu du, bè yóm kdaw tehe ktilów le ke Dwata.

Kehewà 7:4

Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kehewà 14:5

Timbow tulón le ke Faro yóm deng gotu kehewà yó kem tau Israél, bud megetles kehedemen dalang se yó kem genlalen, yó mon le, “Tedum deng nmò kuy ni du? Mom hewót tekuy lu yó kem tau Israél ne ni laen dù bud hesek tekuy.”

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Deng Hegfan 16:9

Tahu se. Gotu le mluf yó kem tau. Deng mom sónmò le hemtolo ke Dwata, abay se du yóm wen kfasangen mò du ni kem hlayam ni. Okóm là dog knogol le du yóm sidek nmò le, ne là se dog dóyón le ke Dwata.

Husiya 6:4

Okóm yó udél Dwata ebélê le, monen, “Ó kem tau Israél ne kem tau Juda, tedu se kmou kuy du? Tódô gel kmanas yóm kbong nawa ye do lómón ke lobun te tonok, ke hlafus tódô kmanas ne lómón ke amù, tódô kmanas bè nóng kdaw.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 8:14

Gotu sentifun yó kem tau Idyip yó kem fak matay yó, ya tey fak luduk, tódô lenngeben benwu le yóm tey boo bolok.

Kehewà 8:16

Omin Dwata bud mon du mò ke Musis, “Tulónem ke Aron fesen bè tonok tugeden anì tódô baling lifet yóm kfung bè klamangen Idyip.”

Kehewà 8:28

Yó mon Faro, “Ke là kat ye hlayuk, hlusu yu anì na ye e demsù ebè yóm kuy Dwata hol gónó mogot bè yóm benwu laen hol wen tauhen. Holi mni béléu bè Dwata.”

Kehewà 8:29

Mon Musis se, “Bè nim kewótu ni mnihe béléem bè Dwata anì yó, haya tnagak le u yó kem lenged, tnagak le yó kem genlalem ne yó kem tauhem. Okóm hol béem bud tundug mi ne béem abay nali yó kem tau anì na le e demsù ebè Dwata.”

Kehewà 8:32

Okóm balù wen ni kem ni he, sana tolo tey kgel kulu Faro. Là kô bayaen kul yó kem tau Israél.

1 Samwél 6:6

Hol bê ye abay hgel kulu ye lómón yóm tehe nmò yó kem tau Idyip ne Faro. Là kô hewót le kul yó kem tau Israél efet dê hlayam mit hatay glumfak le.

Kem Udél Hlalak Tehe Selumun 26:11

Yóm bud gel kdilut ohu yóm lewólen, hol lómón se yó yóm tau book ke là kóhen du yóm kbooken.

1 Samwél 6:3

Yó balà le kul, mon le, “Ke hulék ye yóm Slungan yóm Dwata yó kem tau Israél là hyuhen ke laen dù hmung ye du. Hmung ye du yóm basa mò bayad salà ye anì teflok yóm des mit hatay deng sut lem blóng tekuy. Ke deng blay ye ne là tefloken yóm des yó, bè yó gónó tekuy temngón du là lemwóten bè Dwata yóm des mit hatay yó.”

1 Samwél 6:9

Ke smolu le mulék ebè yóm kul benwu bè Bit-sémés, bè yó gónó tekuy temngón du deng Dwata yóm hemwit ebélê tekuy yóm des mit hatay. Okóm ke là, sundu Dwata du yóm hemwit ebélê tekuy yóm des yó tódô kun ksut.”

1 Samwél 6:12

Kewót le bè yó, yó kem safì yó tódô le hekteng smolu mógów ebè Bit-sémés, balù udì ke tô le beklil, okóm tódô senflós le mugem igò le mógów lemwót bè yóm ktebel kem ngà le. Ngang le lemolò kul yó kem tau hol geta bè Flistin efet le kól bè kilil yóm benwu Bit-sémés.