Kehewà 8:12 - Udél Dwata: Gna Kesfasad ne Lomi Kesfasad

¹² Omin le Musis tmagak ke Faro. Hayahen bè yó mni bè Dwata Musis anì kóhen lu yó kem tey fak deng hwiten ebè Faro.

Kehewà 8:12 Referans Kwoze

Isikél 36:37

Yó bud udél yóm sana Dwata hol dandónen geta, monen, Hyu béléu ke bud wen sotu hni le béléu yó kem tau Israél, duhen yóm kehwenu ból le lómón kwen yó kem tehe ubiha le.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Kehewà 10:18

Omin Musis tmagak ke Faro ne mni bè Dwata.

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

Kehewà 8:30

Tnagak Musis Faro ne mni béléen bè Dwata.

Kehewà 8:8

Lemwót Faro, htabahen le Musis ne Aron ne monen mò ke Musis, “Mnihi kut bè Dwata yóm gónóm mogot anì kóhen lu ni kem tey fak wen nii. Ke yó nmoen, hewótu lu ne yó kem kuy tau anì na le e demsù ebéléen.”

Kehewà 8:13

Tahu se, bnalà Dwata yóm hni Musis yó. Gotu le matay yó kem fak nô lem gónô le ne nô talak lósól le ne nô talak dnadu le.

Kem Lingón 105:31

Bud lemwót bè udél Dwata, tódô tfeng lenged ne lifet bè klamangen benwu le.