Kehewà 8:1 - Udél Dwata: Gna Kesfasad ne Lomi Kesfasad

¹ Omin Dwata bud mon du mò ke Musis, “Budi mógów dou ebè Faro ne monem mò du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 8:1 Referans Kwoze

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 5:1

Omin Musis ne Aron mógów ebè Faro bè Idyip ne mon le mò du, “Yó udélen ebéléem yóm sana kum Dwata yóm hol gónó me mogot kem tau Israél, monen, ‘Hol hewótem lu yó kem dou tau anì na le e mò ken bong bè yóm benwu laen hol wen tauhen mò gónó le madat dou.’ ”

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kehewà 5:3

Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”

Kehewà 7:25

Hitu kdawen miwes kogol yóm gotu kehbaling Dwata du litô yóm él mlel yó.

Kehewà 8:2

Ke là móyói, ngem tnafaku yóm benwuhem mlan bè kehwitu yó kem tey fak wen.

Kehewà 8:20

Yó bud mon Dwata mò ke Musis, “Holi hlafus haya anì nam e senlong Faro bè yóm kógówen ebè él. Tulónem du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 9:1

Yó bud mon Dwata mò ke Musis, “Budi mógów ebè Faro tulónem du, monem, ‘Yó udél yóm sana Dwata yó kem tau Hibru yóm hol gónó mogot, hol hewótem lu ne yó kem dou tau anì na le e tmaba ebéléu.

Juswa 8:18

Omin Dwata mon du mò ke Juswa, “Hdoem ebè Ay yóm buyusem. Blayu elem hólólem yóm syudad yó.” Tahu se, nmò Juswa yóm deng mon Dwata mò du yó.

Kem Lingón 105:30

Bud sotuhen bè yó, tódô hetfeng Dwata fak klamang benwu le. Balù yóm hol gónón nô yóm tau hol geta, tódô hono fak.