Kehewà 7:4 - Udél Dwata: Gna Kesfasad ne Lomi Kesfasad

⁴ Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kehewà 7:4 Referans Kwoze

Kehewà 11:9

Deng tehe mon Dwata mò ke Musis, “Là kô hnungol Faro kóm anì yó, bud gmou bè Idyip yó kem dumu hentaw ton.”

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Deng Hegfan 19:2

Yóm kkukumen tau, hono tahu ne hono tedeng. Deng tnafaken yóm libun hdóyón yó lanen mit kul elem sidek yóm kdéen tau bè klamangen benwu. Deng bnelesen yóm tehe gel khatayen yó kem tóbóng lówóhen.”

Deng Hegfan 16:7

Ne gungolu yóm mudél gu bè yóm gónó le gel mtem yóm hboo le ebè Dwata, monen, “Bong tahu se, Dwata, yóm hol gónó mogot, yóm laen dù là gbekem du. Bong tedeng yóm ktafakem kul ni.”

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

Isaya 26:9

Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Kem Udél Hlalak Tehe Selumun 19:29

Deng wen tafak eles mangat kul yó kem tau semdekà ne yó kem tau book eles wen se bogul tgama kul.

Kmukum 2:15

Ket kesgida le bè yó kem hohon le, deng mom Dwata mit kul sgida, là kô hegmoen kul lómón yóm deng tehe monen mò kul ke là mimón le. Ya tey sidek keglayam le.

Kehewà 10:1

Omin Dwata bud mudél ebè Musis, monen, “Budi lemwót nam e bud ston ke Faro. Deng hgelu kuluhen dalang se kulu yó kem genlalen mò gónóhu hegfan ni kem hentaw ton nmou ni

Kehewà 9:3

angat tnafaku u mlan bè kehwitu yóm des alì sidek ebè yó kem ógóf ye, bè kudà ye ne bè kudà asnu ye ne bè kamél ye ne bè safì ye ne bè ubiha ye ne bè kambing ye.

Kehewà 3:20

Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.

Kehewà 3:19

“Okóm,” mon Dwata, “deng eles tngónu là kô bayà Faro kuy ke là hol gnagahu du.

Kehewà 6:1

Omin Dwata mon du mò ke Musis, “Ni hol hnénégem yóm angat nmou bè Faro yó. Angat gnagahu anì hewaen lu yó kem dou tau. Bè ktahuhen, angat hdóhen lu bè yó bè kun benwu.”

Kehewà 7:13

Bede ke Faro, sana tolo tey kgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kehewà 7:16

Ke sok kól bè yó, monem mò du, ‘Dók Dwata mi ebéléem, yóm sana Dwata yó kem tau Hibru, yóm hol gónó mogot, anì tulónu kóm hol hewótem lu ne kun yó kem kun tau anì na le e tmaba ebéléen bè yóm benwu laen hol wen tauhen. Okóm efet ni là kô dog hnungolem du.

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 9:12

Okóm hgel Dwata kulu Faro. Là kô nan e hnungol kul le Musis ne Aron lómón yóm deng tehe mon Dwata.

Kehewà 18:8

Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.