Kehewà 7:23 - Udél Dwata: Gna Kesfasad ne Lomi Kesfasad

²³ Mom yó nmoen, mulék eta ebè gónô bongen, balù udì ke hendemen nim ni.

Kehewà 7:23 Referans Kwoze

Malakay 2:2

Ke là hnungol ye du yóm monu mò kuy ni ne ke là sù ye du bè nawa ye yóm kadat ye do, angat wen tey tafak sidek hwitu ebélê ye. Balù yó kem dsù gel nwit kem tau ebélê ye mò lowil ye, bud gomong megtafak. Bè ktahuhen, deng tlesu du tafak yóm kdê hyu gel blayu kuy abay se là nóen bè nawa ye madat do.

Hbakuk 1:5

Yó balaen do yóm sana Dwata hol gónó mogot, monen, “Hnénég ye dé yó kem benwu hmilol kuy ne angat tey sidek ketnga ye bè yóm angat nmou. Angat wen nmou bè yóm hol kuy kdaw, baluen ke deng tulón le kuy là kô hentahu ye du.

Jirimaya 36:24

Okóm yóm tau hol geta ne yó kem genlalen, balù udì ke gfan bélê le ke wen klikò le duhen ke kegsel le bè yóm deng gungol le.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Udél Hlalak Tehe Selumun 24:32

Yóm ktonu du nim ni tey kehedemu du ne tey wen hlauhen do.

Kem Udél Hlalak Tehe Selumun 22:17

Ni sii yó kem udél yóm tau hulung hedem, monen, “Hol henklinguhem se yóm dou udél ne hol suem lem hendemem yóm dou ketngón.”

Kem Lingón 62:10

Béem tô nalu nawa ke tói mdengen ke mlan bè kgagahem duhen ke mlan bè knagawem. Ke temnù kendengenem, béem alì hsù du nawam.

1 Samwél 4:20

Bè yóm móyón kehtohen yó mon le mò du yó kem libun tmóbóng du, “Béi hlikò, logi ngaem.” Okóm là kô kenmónen du, balù udì ke bnalaen.

Dwata 32:46

“Hol sù ye lem hendem ye yóm kdê udél Dwata toloku kuy kemdaw ni. Hol gel sensulit ye tmulón du bè yó kem ngà ye anì hol le hteneb mimón du.

Kehewà 9:21

Okóm yó kem dumu, là kô kenmón le du kul yóm eles hetgama Dwata kul yó. Tódô bayà le lu bè lewà yó kem hesek le ne yó kem ógóf le.

Kehewà 7:22

Okóm yó kem tau demwata Faro yó, gotu bud nmò le se kul yó kem yó. Yó gónóm mon, sana tolo tey kgel kuluhen yóm Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 7:24

Tódô kdê yó kem tau Idyip, gotu le mokol bè kilil yóm él yó anì wen él ninum le abay se là bud le ginum bè yóm él mlel yó.

Kehewà 9:20

Bè yóm kungol le du yóm udél Dwata yó ne yó kem genlal Faro, wen se bélê le likò. Gotu nwit le lu elem gónô yó kem gel hesek le ne gotu hgolung le lu yó kem ógóf le.

Kem Udél Hlalak Tehe Selumun 28:14

Wen kligalen yóm tau gel nimónen Dwata, okóm yóm tau hgelen kuluhen bè Dwata wen glumfaken.