Kehewà 7:19 - Udél Dwata: Gna Kesfasad ne Lomi Kesfasad

¹⁹ Yó bud mon Dwata mò ke Musis, “Bè yóm kógów ye haya ebè Faro, dókem Aron anì tayalen eta tugeden ebè kdéen él bè Idyip ne eta yó kem kanal él ne yó kem busung, anì gotu baling litô yó kem él yó. Tódô hono litô yóm él bè klamang yóm benwu yó, balù yóm él nô lem kobong le ne lem lebwón le, gotu baling litô.”

Kehewà 7:19 Referans Kwoze

Kehewà 14:21

Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Kehewà 14:26

Yó mon Dwata mò ke Musis, “Bud tayalem eta mohin sigelem anì bud semfulék ebè yó kem sendalù Idyip yóm él ne ebè yó kem klitun le ne yó kem tau mit kul.”

Kehewà 10:21

Omin Dwata bud mudél ebè Musis, yó monen mò du, “Hdaem eta bè longit sigelem anì sut bè klamangen Idyip yóm tey kifu mget.”

Kehewà 10:12

Omin Dwata bud mon du mò ke Musis, “Tayalem eta sigelem ebè klamang Idyip anì wen tlangas sut. Bè yóm ksut le gotu ken le yóm kdéen tmowok, yó kem dù mowil bè bulók kulón.”

Kehewà 8:16

Omin Dwata bud mon du mò ke Musis, “Tulónem ke Aron fesen bè tonok tugeden anì tódô baling lifet yóm kfung bè klamangen Idyip.”

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

Tekang Kbuten 1:10

Yó boluyen yóm mékéng deng gfan, “tonok,” ne yó boluyen yóm él deng sbusung, “mohin.” Ne tey hyu kton Dwata du yóm deng nmoen yó.

Kehewà 4:9

Ke là hentahu le du yóm lewu hentaw ton deng nmoem yó ne ke là hnungol le du yóm tulónem kul, mahi él bè yóm él bong bélê le boluyen Nayl ne kokem te tonok. Ne tódô baling litô yóm él yó.”

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

2 Bok Kem Tau Hol Geta 4:29

Omin Ilaysa mon du mò ke Gihasi, “Hesloi etu, nwitem tugedu. Ke wen tau geslongem, béi mudél ebéléen, ne béem abay kenmón se ke wen tau kemlô kóm bè lan. Tódói hlós etu bè gónóen, hlasaem ta yóm ngà yóm tugedu.”

Hbakuk 3:8

Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.