Kehewà 7:15 - Udél Dwata: Gna Kesfasad ne Lomi Kesfasad

¹⁵ Yó gónóm mon, hlafus haya senlongem Faro bè yóm kógówen ebè él Nayl. Nwitem yóm tuged deng tehe baling ulal ne nangatem ditu bè kilil yóm él yó.

Kehewà 7:15 Referans Kwoze

Kehewà 8:20

Yó bud mon Dwata mò ke Musis, “Holi hlafus haya anì nam e senlong Faro bè yóm kógówen ebè él. Tulónem du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Kehewà 7:10

Tahu se, mógów le ebè Faro le Musis ne Aron na le e nmò yóm deng hmò Dwata kul. Bot Aron bè solu Faro ne yó kem tau genlalen yóm tugeden, tódô baling ulal se yóm tuged yó.

Kehewà 2:5

Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen.

Kehewà 7:14

Omin Dwata mon du mò ke Musis, “Tey mgel kuluhen yóm Faro yó ne là dog hewaen kul yó kem tau.

1 Tutul Israél 16:21

Okóm là kô bayà Dwata kul anì laen dù tau hemgnok kul. Yó kmò kofinen kul, eles wen gel hetgamahen yó kem tau hol geta mogot benwu, yó monen mò kul,