Kehewà 7:13 - Udél Dwata: Gna Kesfasad ne Lomi Kesfasad

¹³ Bede ke Faro, sana tolo tey kgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kehewà 7:13 Referans Kwoze

Kehewà 4:21

Yó bud mon Dwata mò ke Musis, “Bè nim kulékem ebè Idyip ni, hol nmoem bè yóm lomi Faro yóm hentaw ton deng hmou kóm mlan bè yóm kfasang deng suu béléem. Okóm angat hgelu kulu Faro ne là kô nan e hlus kul hewà yó kem tau.

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kehewà 10:27

Bud hgel Dwata kulu Faro, yó gónón là hewót kul yó kem tau Israél.

Kehewà 10:20

Okóm sana tolo kehgel Dwata kulu Faro, yó gónón là hewót kul yó kem tau Israél.

Kehewà 10:1

Omin Dwata bud mudél ebè Musis, monen, “Budi lemwót nam e bud ston ke Faro. Deng hgelu kuluhen dalang se kulu yó kem genlalen mò gónóhu hegfan ni kem hentaw ton nmou ni

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Kehewà 7:12

Bot le yóm kul tuged ne bud baling ulal. Okóm yóm kun tuged Aron, mom hlohen yóm kul.

Kehewà 7:14

Omin Dwata mon du mò ke Musis, “Tey mgel kuluhen yóm Faro yó ne là dog hewaen kul yó kem tau.

Kehewà 7:22

Okóm yó kem tau demwata Faro yó, gotu bud nmò le se kul yó kem yó. Yó gónóm mon, sana tolo tey kgel kuluhen yóm Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 9:7

Snólók Faro nim ni ne tulón le du balù sotu ke wen matay bè kul ógóf yó kem tau Israél. Bede bud senged snéen, sana tolo tey kgel kuluhen, là kô bayaen kul yó kem tau Israél.

Kehewà 9:12

Okóm hgel Dwata kulu Faro. Là kô nan e hnungol kul le Musis ne Aron lómón yóm deng tehe mon Dwata.

1 Samwél 6:6

Hol bê ye abay hgel kulu ye lómón yóm tehe nmò yó kem tau Idyip ne Faro. Là kô hewót le kul yó kem tau Israél efet dê hlayam mit hatay glumfak le.

Kehewà 8:11

Yó kem fak són ditu gónóm mton kul bè él Nayl, mdó le béléem bè ni ne bè yó kem genlalem dalang se bè yó kem tauhem.”

Kehewà 8:28

Yó mon Faro, “Ke là kat ye hlayuk, hlusu yu anì na ye e demsù ebè yóm kuy Dwata hol gónó mogot bè yóm benwu laen hol wen tauhen. Holi mni béléu bè Dwata.”

Kehewà 9:35

Ne hol lómón yóm deng tehe mon Dwata mò ke Musis, là kô na a hewót Faro kul yó kem tau Israél.

2 Tutul Israél 36:13

Sotuhen, mom natuen Nibukadnisar yóm tau hol geta bè Babilun, igoen tehe hsafà du hlanen bè boluy Dwata anì là smonolen. Tey mgel kuluhen nim Sidikaya ni, là kóen móyô semfulék ebè Dwata yóm sana kul Dwata hol gónó mogot yó kem tau Israél.